पश्चिम उपनगरातील 'या' भागांत सर्वाधिक रुग्ण

करोनाने मुंबईकरांचा पिच्छा पुरवणे थांबविले नसतानाच, पुन्हा एकदा पश्चिम उपनगर केंद्रस्थान ठरले आहे. करोनाचे सर्वाधिक उपचाराधीन रुग्ण , कांदिवली, मालाड, अंधेरीतील पूर्व आणि पश्चिमेस आढळत आहे. त्यामुळे पालिका अधिक प्रमाणात सतर्क झाली असून, नियमांचे कठोर पालन करण्यावर भर दिला जात आहे.

मुंबईत करोनाने शिरकाव केला तेव्हापासून पश्चिम उपनगरात सर्वाधिक संसर्ग आढळला आहे. संख्येस उतार येत असतानाच, नव्याने करोनाने डोके वर काढले आहे. पश्चिम उपनगराच्या तुलनेत मध्य आणि पूर्व उपनगरातील संख्या कमी आहे. पण १० विभागात रुग्ण संख्या ५०० पर्यंत पोहोचली आहे.

उपचाराधीन रुग्णसंख्या

बोरिवली – ८१६

अंधेरी पश्चिम – ७८३

कांदिवली – ७००

मालाड – ६८८

अंधेरी पूर्व – ६७८

पूर्व उपनगरातही वाढता उपद्रव
पूर्व उपगरातील मुलुंड, घाटकोपर, भांडुपमध्येही अनुक्रमे ६११, ५७५ आणि ५७१ इतके उपचाराधीन रुग्ण आहेत. नेहमीच विशेष लक्ष द्यावे लागणाऱ्या दादर, धारावीत ५३४ आणि ग्रँट रोडमध्ये ५२६ उपचाराधीन रुग्ण आहेत.

सन २०२०मधील रुग्णसंख्या

३० सप्टेंबर २,६५४

७ ऑक्टोबर २,८४८

१५ ऑक्टोबर २,२२३

१६ ऑक्टोबर १,८२३

२१ ऑक्टोबर १,६०९