नवी दिल्लीतील शाहीन बागच्या धर्तीवर मुंबईतील नागपाड्यात नागरिक सुधारणा कायदा आणि एनआरसी विरोधात सुरू असलेल्या महिलांच्या आंदोलनाप्रकरणी शुक्रवारी नागपाडा पोलिस ठाण्यात गुन्हा दाखल करण्यात आला. बेकायदा रस्ता अडवून धरल्याप्रकरणी हा गुन्हा दाखल करण्यात आला.
नागपाडा येथील मॉर्डेल रोडवर एनआरसी आणि सीएए विरोधात महिलांचे आंदोलन सुरू आहे. तेरा ते चौदा दिवसांपासून शेकडो महिलांनी भररस्त्यात ठिय्या देऊन हा रस्ता अडवून धरला आहे. पालिकेच्या वतीने या रस्त्याचे काँक्रीटीकरण सुरू होते. मात्र या आंदोलनामुळे रस्त्याचे काम रखडले. पालिका अधिकाऱ्याच्या तक्रारीवरून नागपाडा पोलिसांनी सुमारे तीनशे महिलांवर गुन्हा दाखल केला. उद्या शनिवारी याप्रकरणी आंदोलकांवर कारवाई केली जाण्याची शक्यता.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
