मनसुख हिरन मृत्यू प्रकरणाचा तपास देखील 'एनआयए'कडे?

म. टा. खास प्रतिनिधी, मुंबई
उद्योगपती यांच्या घराजवळ सापडलेली स्फोटके आणि या प्रकरणात महत्त्वाचा दुवा असलेल्या मनसुख हिरेन यांची हत्या, या प्रकरणांत दाखल करण्यात आलेल्या दोन गुन्ह्यांपैकी एक ”कडे असून, दुसऱ्याचा तपास महाराष्ट्र दहशतवाद विरोधी पथक () करीत आहेत. ‘एनआयए’च्या कारवाईनंतर आता ‘एटीएस’च्या तपासालाही वेग आला आहे. मनसुख हिरेन याच्या संशयास्पद मृत्यूचा उलगडा करण्यासाठी ‘एटीएस’ने रविवारी ठाणे परिसर पिंजून काढून, काहींची चौकशी केली. स्फोटकांप्रमाणे मनसुख हिरेन मृत्यू प्रकरणही तपासासाठी ‘एनआयए’कडे जाण्याची शक्यता आहे.

स्फोटके सापडल्याचे प्रकरण, तसेच हिरेन मृत्यूप्रकरणावर विधानसभेत गदारोळ झाल्यानंतर सरकारने गुन्हे शाखेकडून याप्रकरणाचा तपास ‘एटीएस’कडे सोपविला. मात्र, याच वेळी ‘एनआयए’ने स्फोटक प्रकरणी स्वतंत्र गुन्हा दाखल करून, तपास आपल्याकडे घेतला. गुन्हे शाखा आणि ‘एटीएस’कडून स्फोटकांप्रकरणी केलेल्या तपासाचा तपशील ‘एनआयए’कडून घेण्यात आला. या संदर्भातील घटनाक्रम, पुरावे आणि आतापर्यंत करण्यात आलेला तपास या आधारे ‘एनआयए’ने रविवारी रात्री सचिन वाझे यांना अटक केली. ‘एटीएस’कडे तपासकाम असतानाही ‘एनआयए’ने कारवाई केल्यामुळे ‘एटीएस’च्या तपासाकडे प्रश्नचिन्ह उपस्थित केले जात आहे. त्यामुळे वाझेंच्या अटकेनंतर ‘एटीएस’ने हिरेन मृत्यूप्रकरणाच्या तपासाला वेग दिला आहे.

‘एटीएस’च्या पथकाने रविवारी ठाणे, मुंब्रा परिसरात अनेक ठिकाणी जाऊन पाहणी केली. वेगवेगळ्या ठिकाणांहून मनसुख यांच्या मृत्यूचे धागेदोरे शोधण्याचा प्रयत्न ‘एटीएस’ करीत आहे. इतकेच नाही तर रविवारी पुन्हा एकदा हिरेन यांच्या कटुंबीयांची चौकशी करण्यात आली. ‘एटीएस’ने या प्रकरणात आतापर्यंत १५ ते १६ जणांचे जबाब नोंदविले असून, यामध्ये सचिन वाझे यांचाही समावेश आहे.

प्रकरण वर्ग होण्याची शक्यता
‘एनआयए’ने स्फोटक प्रकरणात विस्फोटक पदार्थ अभिनियम, १९०८ अंतर्गत गुन्हा दाखल केला आहे. या कलमांतर्गत या संदर्भांतील इतर, जोड गुन्हे तपासासाठी घेता येऊ शकतात. ‘एटीएस’ने तपासाची चक्रे जलदगतीने न फिरविल्यास हे प्रकरणही त्यांच्या हातातून जाण्याची शक्यता आहे. ‘एटीएस’च्या तपासानंतरही ‘एनआयए’ हे प्रकरण वर्ग करून घेऊ शकते, असे एका पोलिस अधिकाऱ्याने सांगितले.