करोना रुग्णांची वाढती संख्या पाहता केंद्रीय आरोग्य मंत्रालयाने आधीच संबंधित राज्यांना मार्गदर्शक सूचना जारी केल्या आहेत. फेब्रुवारीच्या मध्यापासून देशात करोना रुग्णांची संख्या वाढते आहे आणि ही वाढत वेगाने होत आहे. यामुळे आता सतर्कता नाही बाळगली तर देशात करोनाने आणखी भीषण स्थिती निर्माण होऊ शकते, अशी भीती केंद्र सरकारने व्यक्त केली आहे.
गेल्या वर्षी सप्टेंबर-ऑक्टोबरमध्ये करोनाने देशात कहर केला होता. देशात त्यावेळी करोनाचे दररोज १ लाखाच्या जवळपास रुग्ण आढळून येत होते. आता देशात पुन्हा करोनाचे रुग्ण वाढत आहेत. देशात करोना रुग्णांच्या संख्येत ३.८ टक्क्यांनी वाढ झाली आहे. गेल्या २४ तासांत करोनाचे २६,२९१ नवीन रुग्ण आढळून आले आहेत. करोनाने ११८ जणांचा मृत्यू झाला आहे. तर रविवारी करोनाचे २५,३२० रुग्ण आढळून आले होते.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
