जळगाव: जिल्ह्यातील तालुक्यातील पळासखेडा येथील धारिवाल पॉलिटेक्निक कॉलेजमध्ये उभारलेल्या शासकीय कोविड सेंटरमध्ये रुग्णांना आवश्यक सोयीसुविधा मिळत नसल्याचे संतप्त झालेल्या ५० पैकी १५ रुग्णांनी कोविड सेंटरमधून पोबारा केल्याने जिल्ह्यात खळबळ उडाली आहे.

गेल्या महिन्यापासून जिल्ह्यातील जामनेर तालुक्यात करोनाचा संसर्ग वाढत आहे. त्यामुळे धारिवाल पॉलिटेक्निक कॉलेजमध्ये शासकीय कोविड केअर सेंटर उभारण्यात आले आहे. सद्यस्थितीत या कोविड सेंटरमध्ये ५० बाधित रुग्ण दाखल आहेत. या सेंटरमध्ये रुग्णांना वेळेवर चहा-नाष्टा, जेवण मिळत नसल्याची रुग्णांची तक्रार आहे. मिळणाऱ्या जेवणाचा दर्जा निकृष्ट असतो. पिण्यासाठी पाणी देखील वेळेवर मिळत नाही. सोयीसुविधा चांगल्या मिळाव्यात म्हणून रुग्णांनी अनेकदा आरोग्य यंत्रणेकडे तक्रारी केल्या. याची दखल घेतली जात नसल्याने रुग्णांमध्ये असंतोष पसरला होता. याच रागातून ५० पैकी १५ रुग्णांनी तर थेट कोविड सेंटरमधून काढता पाय घेतला. हे रुग्ण आपल्या नातेवाईकांसोबत दुचाकी तसेच मिळेल त्या वाहनावरून घरी निघून गेले.

वाचा:

कोविड सेंटरमध्ये घडलेल्या प्रकाराबाबत माहिती देताना तालुका वैद्यकीय अधिकारी डॉ. विनय सोनवणे यांनी सांगितले की, कोविड सेंटरमध्ये रुग्णांना व्यवस्थित उपचार व सोयीसुविधा दिल्या जात आहेत. मात्र, काही रुग्णांचे असे म्हणणे होते की, आम्हाला होम क्वारंटाईन करावे. मात्र, त्यांचा कोविड सेंटरमधील क्वारंटाईनचा कालावधी पूर्ण झालेला नसल्याने आम्ही त्यांना परवानगी नाकारली. त्यामुळे त्यांनी गोंधळ घालायला सुरुवात केली. सेंटरमध्ये दाखल असलेल्या रुग्णांना कोरोनाच्या उपचार पद्धतीच्या नियमानुसार गोळ्या व औषधे दिले जात असून, त्यांच्या प्रकृतीवर लक्ष ठेवले जात आहे. मात्र, रुग्ण आम्हाला इंजेक्शन दिले पाहिजे, सलाईन लावली पाहिजे असा आग्रह करीत होते. तसे करणे नियमानुसार नसल्याने तसेच केले नाही. गेल्या वर्षभरापासून आपण हे कोविड सेंटर चालवत आहोत. या ठिकाणी आधी जेवण, नाश्ता व पाणी पुरवणारा ठेकेदार आपण पुढे कायम केला आहे. हा ठेकेदार नियमित वेळेनुसार जेवण, नाश्ता या गोष्टी पुरवतो. पण काही रुग्णांना लवकर जेवण मिळायला हवे, अशी त्यांची मागणी होती. त्यानुसार आपण ठेकेदाराला आवश्यक त्या सूचना केल्या आहेत, असे डॉ. सोनवणे यांनी सांगितले. दरम्यान, १५ करोनाबाधित रुग्ण कोविड सेंटरमधून निघून गेले आहेत. याबबात जामनेर पोलीस ठाण्यात तक्रार दिली असून त्यांना ताब्यात घेऊन परत कोविड सेंटरमध्ये आणण्याची विनंती केल्याचेही डॉ. विनय सोनवणे यांनी सांगितले.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here