'मर्सिडीज घेण्यासाठी वाझेंना पटोले आणि सचिन सावंतांची मदत'

मुंबईः सचिन वाझे प्रकरणात रोज नवनवीन खुलासे समोर येत आहेत. मुकेश अंबानींच्या घरासमोर आढळलेल्या स्कॉर्पिओ आणि इनोव्हा या दोन कारचं गुढ समोर आल्यानंतर या प्रकरणात एक मर्सिडिज कारही एनआयएकडून जप्त करण्यात आली आहे. ही कार जप्त करण्यात आल्यानंतर काँग्रेसनं या कारसोबत भाजप कार्यकर्त्यांचा फोटो असल्याचा दावा केला होता. तर, भाजपनं काँग्रेसने केलेला हा दावा खोडून काढला असून काँग्रेसवर पलटवार केला आहे.

एनआयएने जप्त केलेल्या मर्सिडीस गाडीतून १७ फेब्रुवारी रोजी मनसुख हिरेन यांनी प्रवास केला होता असे म्हटले जाते. गाडीबरोबर एका फोटोत ठाणे भाजपाचा पदाधिकारी दिसत आहे. त्याबद्दल भाजपाने तात्काळ स्पष्टीकरण द्यावे, अशी मागणी महाराष्ट्र काँग्रेसचे प्रवक्ते यांनी केली होती. यानंतर भाजपचे आमदार यांनी काँग्रेसवर पलटवार करत वाझे यांना ती मर्सिडिज घेण्यासाठी काँग्रेसचे प्रदेशाध्यक्ष आणि सचिन सावंत यांनी मदत केल्याचा गंभीर आरोप त्यांनी केला आहे.

‘नाना पटोले आणि सचिन सावंत यांनीच ती मर्सिडीज घेण्यासाठी सचिन वाझेंना मदत केली, अशी माहिती समोर येत आहे. चौकशी स्वतःकडे येते की काय या भीतीने काँग्रेस नेते नेते भाजपवर बिनबुडाचे आरोप करत आहेत,’ असं आशिष शेलार यांनी म्हटलं आहे.

तसंच, ‘पुण्यातील तरुणीच्या आत्महत्या प्रकरणातील ज्या ऑडिओ क्लिप सांताक्रुज येथील फॉरेन्सिक लॅबला पाठवण्यात आल्या आहेत. त्यामध्ये छेडछाड करण्यात येते की काय? मनसुख हिरन यांचे शवविच्छेदन अहवालातही छेडछाड केली जाण्याची शक्यता लक्षात घेऊन तातडीने, या पुराव्यांची स्वतंत्र यंत्रणेमार्फत तपासणी करावी,’ अशी मागणी भाजप नेते आमदार आशिष शेलार यांनी केली आहे.