करोनाच्या (Coronavirus) वाढत्या प्रादुर्भावामुळे बारामती (Baramati) शहरासह तालुक्यात रुग्णसंख्या कमी होईपर्यंत अंशतः (Lockdown) जाहीर करण्यात आले आहे. या दरम्यान खासगी क्लास, आठवडी बाजार, धार्मिक, राजकीय, सामाजिक कार्यक्रम पूर्णपणे बंद करण्यात आले असून, मेडीकल वगळता सर्व दुकाने सकाळी नऊ ते रात्री सातपर्यंतच सूरू राहणार असल्याचे उपविभागीय अधिकारी दादासाहेब कांबळे यांनी सांगितले. (a partial lockdown has been declared in and taluka)
करोनाच्या पार्श्वभूमीवर उपविभागीय अधिकाऱ्यांच्या दालनात सोमवारी बैठक झाली. यामध्ये अंशत: लॉकडाउनबाबत निर्णय घेण्यात आला. या वेळी उपविभागीय पोलिस अधिकारी नारायण शिरगावकर, तालुका आरोग्य अधिकारी डॉ. मनोज खोमणे, तहसीलदार विजय पाटील, मुख्याधिकारी किरणराज यादव, डॉ. सदानंद काळे आदी उपस्थित होते. २३ मार्च ते पुढील आदेश येईपर्यंत हे निर्बंध राहणार आहेत.
‘निष्कारण घराबाहेर फिरणाऱ्यांसह करोनाच्या नियमांचे उल्लंघन करणाऱ्यांवर गुन्हे दाखल करण्यात येणार आहे. तसेच, हॉटेलचालकांना संध्याकाळी सात ते दहावाजेपर्यंत पार्सल सेवा देण्यास मान्यता देण्यात आली आहे,’ असे उपविभागीय पोलिस अधिकारी नारायण शिरगावकर यांनी सांगितले. मेडीकल कॉलेज, सिल्व्हर ज्युबिली उपजिल्हा रुग्णालय व रुई ग्रामीण रुग्णालयात खाटा शिल्लक नसून, नटराज नाट्य कला मंडळातर्फे तारांगण वसतिगृहाशेजारी तिसरे कोव्हिड केअर सेंटर सुरू करणार असल्याचे किरण गुजर यांनी सांगितले. मंडळाने यापू्र्वी दोन केंद्रे सुरू केली आहेत.
‘हॉटस्पॉट’मधील सर्व व्यवहार बंद
‘शहरातील सूर्यनगरी आणि गणेश मंडईचा परिसर प्रतिबंधात्मक क्षेत्र म्हणून जाहीर करण्यात आला आहे. पुढील आदेश येईपर्यंत या परिसरातील सर्व व्यवहार, दुकाने बंद राहणार आहेत. याची पूर्वकल्पना व्यापाऱ्यांना देण्यात आली आहे. तसेच, विवाह सोहळ्यांसाठी ५० आणि अंत्यसंस्कारासाठी २० जणांनाच उपस्थित राहण्याबाबत परवानगी देण्यात आली आहे. नियम मोडणाऱ्यांवर कडक कारवाई करण्यात येणार आहे,’ असे दादासाहेब कांबळे यांनी सांगितले.
क्लिक करा आणि वाचा-
अधिग्रहित रुग्णालयांवर पथकाची नजर
करोनाच्या काळात रुग्णांना योग्य आरोग्य सेवा देण्याच्या उद्देशाने सरकारने शहरातील अधिग्रहित केलेल्या सोळा खासगी रुग्णालयांवर नजर ठेवण्यासाठी पथकाची नियुक्ती करण्यात आली आहे. यामध्ये डॉ. सदानंद काळे, डॉ. मनोज खोमणे यांच्यासह अन्य दोन सदस्यांचा समावेश आहे. अधिग्रहित रुग्णालय सरकारच्या मार्गदर्शक सूचनांनुसार उपचार देत आहे का, ऑक्सिजनसज्ज खाटा किती आहेत, रुग्णांना जादा बिल देण्यात आले आहे का, आदींची पथकाकडून तपासणी करण्यात येणार आहे.
क्लिक करा आणि वाचा-
बारामतीमधील करोनाची स्थिती
आजपर्यंतची एकूण रुग्णसंख्या : ८२४२
नवीन रुग्ण : ८९
बरे झालेले रुग्ण : ७१९२
मृत्यू झालेले रुग्ण : १५२
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
