वाचा:
मुंबईवरील करोनाचा विळखा पुन्हा एकदा घट्ट होऊ लागला आहे. गेले काही दिवस रुग्णसंख्येचा ग्राफ चढाच आहे. आज मुंबईत ३ हजार २६० नवे बाधित आढळले तर १ हजार ३२३ रुग्ण बरे होऊन घरी परतले. दिवसभरात १० बाधितांचा मृत्यू झाला. मुंबईतील अॅक्टिव्ह रुग्णांची संख्या सध्या २५ हजार ३७२ इतकी असून आतापर्यंत या संसर्गाने ११ हजार ५९२ इतक्या रुग्णांचा बळी घेतला आहे. मुंबईत दादर, माहीम आणि या भागातही मोठी रुग्णवाढ पाहायला मिळत आहे. आज धारावीत ४०, दादरमध्ये ५७ तर माहीममध्ये ७१ अशी एकूण १६८ नवीन रुग्णांची भर पडली.
वाचा:
ठाणे जिल्ह्यातही धोका वाढला
ठाणे जिल्ह्यात सलग आज दुसऱ्या दिवशी दोन हजारांहून अधिक नवीन करोना बाधित रुग्ण आढळले असून एकूण २ हजार १७३ रुग्णांची भर पडली आहे. दिवसभरात ठाणे, आणि नवी मुंबईमध्ये दैनंदिन रुग्णांच्या संख्येतही मोठ्या प्रमाणावर वाढ झाली असून अनुक्रमे ५९०, ६८६ आणि ४०४ रुग्ण आढळून आले आहेत. तर मिरा-भाईंदरमध्ये १३१, उल्हासनगर ५१, भिवंडी ३९, अंबरनाथ ९६, बदलापूर ११२ आणि ठाणे ग्रामीणमध्ये आढळलेल्या नवीन रुग्णांची संख्या ६४ आहे. जिल्ह्यातील करोना रुग्णांचा आलेख झपाट्याने वाढू लागला असून आतापर्यंत जिल्ह्यातील बाधितांची एकूण संख्या २ लाख ९० हजार ६१६ इतकी झाली आहे. तर सोमवारी १ हजार ११७ रुग्ण करोनामुक्त झाले. त्यामुळे बरे झालेल्या रुग्णांचा आकडा वाढत २ लाख ६७ हजार ६७४ वर गेला आहे. सध्या १६ हजार ५५० रुग्ण उपचार घेत आहेत. तर दिवसभरात १० रुग्णांचा करोनामुळे मृत्यू झाला असून करोनाबळीचा आकडा ६ हजार ३९२ इतका झाला आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
