ठाकरे सरकार करणार ड्रोनद्वारे वृक्षारोपण!; मुख्यमंत्र्यांचा 'हा' टोला कुणाला?

मुंबई: सरकारच्या कार्यकाळात तत्कालीन वनमंत्री यांनी ५० कोटी वृक्ष लागवडीचा संकल्प सोडला होता. या मोहिमेची समिती नेमून चौकशी करण्याची घोषणा महाविकास आघाडी सरकारने अर्थसंकल्पीय अधिवेशनात केली असतानाच विद्यमान सरकारनेही आता हाती घेतली आहे. वर्षा येथील समिती कक्षात यंदाच्या पावसाळी नियोजनाबाबत मुख्यमंत्री यांनी आढावा घेतला असून एकंदर ४ कोटी रोपे लावण्याचे उद्दीष्ट ठेवण्यात आले आहे. ( )

वाचा:

पारंपरिक वृक्ष लागवडीबरोबरच दुर्गम भागात ड्रोनद्वारे (हवाई पद्धतीने) बीज पेरणीने जास्तीत जास्त वृक्ष लागवड करण्यावर वन विभागाने भर द्यावा, असे महत्त्वाचे निर्देश मुख्यमंत्री उद्धव ठाकरे यांनी या बैठकीत दिले आहेत. वृक्ष लागवड करताना पर्यावरणप्रेमी, जंगलप्रेमी तसेच स्वयंसेवी संस्था, युवक यांचा सहभाग घ्यावा. यासाठी त्यांना आवाहन करण्यात यावे. वृक्ष लागवडीसाठी त्यांना सर्वतोपरी सहकार्य करावे. जनतेला आपली वाटेल अशी ही वृक्ष लागवड योजना झाली पाहिजे अशी अपेक्षा यावेळी मुख्यमंत्री ठाकरे यांनी व्यक्त केली. प्रत्येक भौगोलिक प्रदेशानुसार पावसाळी परिस्थिती व हवामानाची स्थिती, जमीन याचा अंदाज घेऊन व जी झाडे उपयुक्त आहेत त्याप्रमाणे वृक्षारोपण करण्यात यावे. वृक्षारोपण करताना खरे उद्दिष्ट ठरवून खरेखुरे उद्दिष्ट गाठावे, असा सूचक टोला लगावताना वृक्ष लागवडीचा कालबद्ध कार्यक्रम आखावा अशा सूचनाही मुख्यमंत्र्यांनी केल्या.

वाचा:

वृक्ष लागवड करताना पर्यटनाचाही विचार व्हावा. शहरी भागात रस्त्याच्या दुतर्फा पर्यटकांना आकर्षित करणारी शोभिवंत झाडे लावावी. तसेच जपानमध्ये ज्याप्रमाणे माऊंट येशीनो येथे नैसर्गिकरित्या दरी फुलून जाते. त्याप्रमाणे राज्यात डोंगर उतारावर काय करता येईल याचाही विचार वनविभागाने करावा. झाडांच्या देशी प्रजाती लावण्यावर भर देण्यात यावा जेणेकरून पक्ष्यांना देखील खाद्य व आश्रय मिळेल. जव्हार, कोल्हापूर, सावंतवाडी, मेळघाट, अमरावतीचा, नांदेड या वन विभागांत ड्रोनद्वारे बीज पेरणी करताना नंदुरबार जिल्ह्यातील तोरणमाळचाही त्यामध्ये समावेश करावा, असे निर्देशही मुख्यमंत्री उद्धव ठाकरे यांनी यावेळी दिले.

नियोजनबद्ध वृक्ष लागवड व्हावी

वृक्ष लागवड करताना अधिक नियंत्रित पद्धतीने व नियोजनबद्धरित्या करण्यात यावी. यासाठी शासन पूर्ण सहकार्य करेल असेही मुख्यमंत्र्यांनी आश्वस्त केले.
यावेळी वन राज्यमंत्री दत्तात्रय भरणे, मुख्यमंत्र्यांचे अपर मुख्य सचिव आशिष कुमार सिंग, मुख्यमंत्र्यांचे प्रधान सचिव विकास खारगे, वन विभागाचे प्रधान सचिव मिलिंद म्हैसकर, मुख्यमंत्र्यांचे सचिव आबासाहेब जऱ्हाड, वन विभागाचे सहसचिव अरविंद आपटे आदी मान्यवर उपस्थित होते. तसेच प्रधान मुख्य वनसंरक्षक (वनबल प्रमुख) साईप्रकाश, प्रधान मुख्य वनसंरक्षक सर्वश्री प्रवीण श्रीवास्तव, प्रदीप कुमार, एन. के. राव आदी अधिकारी नागपूरहून दूरदृश्य प्रणालीद्वारे उपस्थित होते.

वाचा: