शहरातील नागपुरी गेट पोलीस ठाण्याच्या हद्दीत येणाऱ्या गौसनगर भागातून ही अग्नीशस्त्रे जप्त करण्यात आली आहे. पोलिसांनी याप्रकरणी शेख समीर शेख अफसर (२६) व मोहम्मद अवेस मोहम्मद लतीफ (२१) या दोघांना अटक केली आहे. गुन्हे शाखेला गौसनगर येथ शेख समीर व मोहम्मद अवेस यांच्याकडे देशी कट्टे असल्याची माहीती मिळाली होती. पोलिसांनी यानंतर सोमवारी मध्यरात्री गौसनगर येथे छापा टाकला.
शेख समीर व मोहम्मद अवेस यांना ताब्यात घेवून त्यांची झाडाझडती घेण्यात आली. पोलिसांनी त्यांच्याजवळून तीन देशी कट्टे आणि आठ जिवंत काडतुसे जप्त केली आहे. जप्त करण्यात आलेली अग्निशस्त्रे व काडतुसे १ लाख १३ हजार रूपये किंमतीची असल्याचे पोलिसांनी सांगितले.
क्लिक करा आणि वाचा-
ही कारवाई पोलीस आयुक्त डॉ. आरती सिंग यांच्या मार्गदर्शनाखाली गुन्हे शाखेचे निरीक्षक कैलास पुंडकर यांच्या नेतृत्वात गुन्हे शाखा उपनिरीक्षक राजकिरण यावले, राजेश राठोड, गजानन ढवले, निलेश जुनघरे, दीपक दुबे, सैय्यद इमरान, चेतन कराडे यांनी केली.
क्लिक करा आणि वाचा-
काही दिवसांपूर्वी तिवसा पोलीस ठाण्याच्या हद्दीत २५ किलो वजनाच्या जिलेटिनच्या २०० कांड्या आणि २०० डिटोनेटर आढळले होते. त्यानंतर एकच खळबळ उडाली होती. याप्रकरणी एका आरोपीला अटक करण्यात आली होती.
तिवसा येथील पंचवटी चौक येथे गस्तीपथकाकडून दोन अज्ञात बाइकस्वारांना चौकशीसाठी थांबवण्यात आलं होतं. मात्र चौकशी सुरू असतानाच त्यांच्याकडील बॅग फेकून ते पसार झाले होते. त्यानंतर केलेल्या तपासणीत बॅगमध्ये २०० जिलेटिन आणि २०० जिवंत डिटोनेटर असल्याचे आढळून आले होते.
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
