वाचा:
आग लागली तेव्हा सनराइज रुग्णालयात ७६ रुग्णांवर उपचार सुरू होते. त्यातील ४६ लोकांना आतापर्यंत इतर रुग्णालयात हलवण्यात आलं आहे. मुलुंड येथील जम्बो कोविड रुग्णालयात ३०, भांडुपच्या फोर्टिस रुग्णालयात ४, ठाण्यातील विराज रुग्णालयात २, अग्रवाल रुग्णालयात ५ तर बीकेसी कोविड सेंटर, गोदरेज रुग्णालय (घाटकोपर), सारथी हॉस्पिटल (टँक रोड) मध्ये प्रत्येकी एका रुग्णाची व्यवस्था करण्यात आली आहे. तर, दोघांना घरी सोडण्यात आलं आहे.
निसार जावेदचंद (वय ७४ ), मुणगेकर (वय ६६), गोविंदलाल दास (८०), मंजुळा भटारिया (६५), अंबाजी पाटील (६५), सुनंदाबाई पाटील (५८), सुधीर लाड (६६) अशी मृतांची नावे आहेत. तीन मृतांची ओळख अद्याप पटलेली नाही. आगीचे कारण अद्याप समजू शकलेले नाही. मुंबईच्या महापौर किशोरी पेडणेकर यांनी मध्यरात्रीच घटनास्थळाला भेट देऊन संपूर्ण परिस्थितीचा आढावा घेतला होता. अग्निशमन दलाच्या अधिकाऱ्यांना आवश्यक त्या सूचनाही केल्या होत्या. मॉलमध्ये रुग्णालय असल्याबद्दल त्यांनी आश्चर्यही व्यक्त केले असून या प्रकरणाची चौकशी केली जाईल, असं त्यांनी स्पष्ट केलं आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
