नाशिक: छगन भुजबळ उतरले रस्त्यावर; लॉकडाऊनबाबत दिला स्पष्ट इशारा

नाशिक: शहरात दिवसेंदिवस रुग्णसंख्या झपाट्याने वाढत असून चिंतेचे वातावरण निर्माण झाले आहे. या पार्श्वभूमीवर राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री यांनी नाशिक शहरातील गर्दीच्या ठिकाणांची पाहणी करून नागरिकांशी संवाद साधला व करोनाच्या नियमांचे पालन करण्यात आवाहन केले. नागरिकांनी नियमांचे पालन न केल्यास करण्याशिवाय कुठलाही पर्याय शिल्लक नसल्याचे त्यांनी यावेळी स्पष्ट केले. दरम्यान, ‘मी तुम्हाला आठ दिवसांची मुदत देत आहे. त्यानंतर कठोर पावले उचलली जातील. २ एप्रिल रोजी बैठक घेऊन लॉकडाऊन संदर्भात निर्णय घेण्यात येईल’, असे नंतर भुजबळ यांनी पत्रकार परिषदेत सांगितले. ( )

वाचा:

पालकमंत्री छगन भुजबळ यांनी नाशिक शहरातील विविध भागातील गर्दीच्या भागाची पाहणी केली. त्यांनी सिडको परिसरातील राणाप्रताप चौक या ठिकाणाहून पाहणीस सुरवात केली. त्यानंतर उत्तमनगर, पवननगर, त्रिमूर्ती चौक सिडको, शालिमार, गाडगे महाराज पुतळा, मेन रोड मार्गे पाहणी करत ते जिल्हाधिकारी कार्यालय परिसरात पोहचले. यावेळी राष्ट्रवादी काँग्रेसचे शहराध्यक्ष रंजन ठाकरे, प्रदेश पदाधिकारी नानासाहेब महाले, दिलीप खैरे त्यांच्या समवेत उपस्थित होते.

वाचा:

पाहणी दरम्यान पालकमंत्री छगन भुजबळ यांनी सिडको, सीबीएस, शालिमार, मेन रोड येथे नागरिक, दुकानदार, हॉटेलमालक, रिक्षा चालक यांच्याशी संवाद साधत मास्क वापरण्यासह करोनाच्या नियमनाचे पालन करण्याचे आवाहन केले. या संकटातून बाहेर पडण्यासाठी नियमांचे पालन करणे अत्यंत आवश्यक असून नियमांचे पालन न केल्यास लॉकडाऊनचा एकमेव पर्याय आता शिल्लक असल्याचे ते म्हणाले. मास्क आणि सोशल डिस्टन्सिंगचे पालन न करणाऱ्या दुकानदार, हॉटेल व्यवसायिक, विक्रेते, नागरिक यांच्यावर कारवाई करण्याच्या सूचनाही त्यांनी पोलिसांना दिल्या.

वाचा: