राष्ट्रपती कोविंद यांना छातीत दुखू लागल्यानं त्यांना रुग्णालयात दाखल करण्यात आल्यानंतर डॉक्टरांनी त्यांची प्रकृती तपासली. सध्या ते डॉक्टरांच्या देखरेखीखाली आहेत. राष्ट्रपतींची प्रकृती सध्या स्थिर असल्याचं लष्करी रुग्णालयानं सांगितंलय.
लष्करी रुग्णालयाकडून एक मेडिकल बुलेटिन जाहीर करून राष्ट्रपती रामनाथ कोविंद यांच्या आरोग्याविषयी माहिती देण्यात आली. सोबतच, राष्ट्रपतींना तज्ज्ञांच्या देखरेखीखाली ठेवण्यात आल्याचंही या बुलेटिनमधून सांगण्यात आलं. छातीत दुखू लागल्यानं राष्ट्रपती रामनाथ कोविंद यांना शुक्रवारी लष्करी रुग्णालयात दाखल करण्यात आलं. त्यांच्या नियमित चाचण्या करण्यात येत असून, त्यांना निरीक्षणाखाली ठेवण्यात आलंय. त्यांची प्रकृती स्थिर असल्याचं रुग्णालयानं निवेदनात म्हटलंय.
बांग्लादेशच्या दौऱ्यावर असलेल्या यांनी राष्ट्रपतींच्या मुलाशी फोनवरून संपर्क साधला आणि राष्ट्रपतींच्या तब्येतीची विचारपूस केली.
पंतप्रधान कार्यालयाकडून यासंबंधात माहिती देण्यात आली. पंतप्रधान कार्यालयाकडून देण्यात आलेल्या माहितीनुसार, पंतप्रधान नरेंद्र मोदी यांनी राष्ट्रपती रामनाथ कोविंद यांच्या मुलाकडे त्यांच्या आरोग्याची विचारपूस केली. पंतप्रधान मोदींनी राष्ट्रपतींच्या प्रकृती सुधारणेसाठी प्रार्थनाही केलीय.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
