आज मुंबईत पेट्रोलचा भाव ९७.१९ रुपयांवर कायम आहे. डिझेलचा भाव ८८.२० रुपये आहे. दिल्लीत आज एक लीटर पेट्रोल ९०.७८ रुपये आहे. डिझेलचा भाव ८१.१० रुपये आहे. चेन्नईत आजचा पेट्रोलचा भाव ९२.७७ रुपये झाला आहे. डिझेलसाठी ८६.१० रुपये भाव आहे.
आज शनिवारी कोलकात्यात पेट्रोलचा भाव ९०.९८ रुपये झाले आहे. डिझेलचा भाव ८३.९८ रुपये आहे. बंगळुरात पेट्रोल ९३.८२ रुपये असून डिझेल ८५.७४ रुपये झाला आहे. मध्य प्रदेशातील भोपाळमध्ये आतापर्यंतचा डिझेलचा सर्वाधिक ८९.३७ रुपयांचा विक्रमी दर आहे. तर पेट्रोल दर ९८.८१ रुपये आहे.
तत्पूर्वी याच आठवड्यात पेट्रोल आणि डिझेल दरात कपात झाली होती. त्यामुळे ग्राहकांना किंचित दिलासा मिळाला होता. पेट्रोलियम कंपन्यांनी बुधवारी कंपन्यांनी पेट्रोलमध्ये १८ पैसे आणि डिझेलमध्ये १७ पैशांची कपात केली होती. तर गुरुवारी कंपन्यांनी पेट्रोल २१ पैसे आणि डिझेल २० पैशांनी स्वस्त केले होते. दोन दिवस झालेल्या दर कपातीनंतर पेट्रोल ३९ पैसे तर डिझेल ३७ पैसे स्वस्त झाले होते. तर त्यानंतर सलग दोन दिवस इंधन दर स्थिर ठेवले आहेत.
देशभरात सकाळी सहा वाजता पेट्रोलियम कंपन्यांकडून किरकोळ विक्रीसाठीचा पेट्रोल आणि डिझेल दर जाहीर केला जातो. जागतिक बाजाराशी इंधन दर संलग्न असल्याने दररोज त्याचा आढावा घेतला जातो. सध्या जागतिक कमॉडिटी बाजारात कच्च्या तेलाचा भाव मागील दोन आठवड्यात १५ टक्क्यांनी कमी झाला आहे. या महिन्याच्या सुरुवातीला ब्रेंट क्रूडचा भाव ७१ डॉलर प्रती बॅरल झाला होता. तो आता कमी होऊन ६२ डॉलर पर्यंत खाली आला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
