राज्याच्या गृहखात्यातील () शंभर कोटी रुपयांच्या वसुलीचा ट्रेलर आपण पाहिला असेल. मात्र, महसूल खात्याची () चौकशी झाली तर संपूर्ण पिक्चर पहायला मिळेल, असा आरोप नगरचे भाजपचे खासदार यांनी केला आहे. गृहखात्याबद्दल सध्या सुरू असलेल्या वादाचा संदर्भ देत विखे यांनी त्यांचे पारंपरिक विरोधक बाळासाहेब थोरात यांच्या महसूल खात्यावर निशाणा साधला आहे. (bjp mp dr sujay vikhe patil criticizes revenue minister balasaheb thorat)
राहुरीच्या डॉ. बाबूराव तनपुरे सहकारी साखर कारखान्याची वार्षिक सभा ऑनलाइन पद्धतीने पार पडली. या सभेत बोलताना डॉ. विखे यांनी हा आरोप केला आहे. स्थानिक आणि राज्यस्तरावरील राजकारणावरही त्यांनी भाष्य केले.
विखे म्हणाले, ‘महाराष्ट्रात गेल्या तीन वर्षांत २५ साखर कारखाने बंद पाडून खासगीकरण करून ताब्यात घेण्यात आल्याचे प्रकार घडले आहेत. मात्र, जोर्पंत मी जिवंl आहे, तोपर्यंत राहुरी कारखान्याच्या बाबतीत असे होऊ देणार नाही.’ कारखान्याच्या कामात अडथळा आणणाऱ्यांचाही त्यांनी यावेळी समाचार घेतला.
क्लिक करा आणि वाचा-
राहुरी तालुक्यातील स्थानिक विरोधकांचा समाचार घेताना विखे यांनी महसूलमंत्री थोरात यांच्यावरही नाव न घेता टीका केली. थोरात यांनी दिल्लीतील शेतकऱ्यांच्या आंदोलनाला पाठिंबा देण्यासाठी श्रीरामपूरमध्ये उपोषण केले होते. तो संदर्भ देत विखे म्हणाले, ‘जिल्ह्यातील आणि राज्यातील शेतकऱ्यांचे प्रश्न आहेत. दुधाला दर हवा आहे. नैसर्गिक अपत्तीमुळे नुकसान झालेल्या शेतकऱ्यांना नुकसान भरपाई मिळणे बाकी आहे. असे असताना याकडे दुर्लक्ष करून आपले महसूल मंत्री दिल्लीतील शेतकऱ्यांच्या आंदोलनाला पाठिंबा देतात. यासाठी उपोषण करण्यासाठी त्यांच्याडे वेळ आहे. मात्र, येथील शेतकऱ्यांचे त्यांना काहीही देणेघेणे नाही, ही अजब गोष्ट आहे. राज्यातील गृह खात्याच्या शंभर कोटींच्या वसुलीचा ट्रेलर आपण पाहिला आहे. मात्र, महसूल खात्याची याच संबंधाने चौकशी झाली, तर पूर्ण चित्रपट पहायला मिळेल.’
क्लिक करा आणि वाचा-
गृहखात्यानंतर महसूल खात्यातील बदल्यांकडे लक्ष वेधून विखे यांनी आता नव्याच मुद्द्याला तोंड फोडल्याचे दिसून येते.
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
