कॉक्स बाजार: पंतप्रधान नरेंद्र मोदी यांचा दोन दिवसीय दौरा आटोपल्यानंतर कट्टरतावादी आणि धर्मांध इस्लामिक गटांनी हिंदू मंदिरांवर हल्ला केला आहे. रविवारी एका ट्रेनलाही लक्ष्य करण्यात आले. भारताचे पंतप्रधान नरेंद्र मोदी मायदेशी पुन्हा परतल्यानंतर हे हल्ले झाले असल्याचे रॉयटर्स या वृत्तसंस्थेने पोलीस आणि स्थानिक पत्रकाराच्या हवाल्याने हे वृत्त दिले आहे. पंतप्रधान मोदी यांच्या दौऱ्याविरोधात झालेल्या आंदोलनात काही आंदोलकांचा मृत्यू झाला. या घटनेच्याविरोधात बांगलादेशमध्ये आंदोलनाची हाक देण्यात आली होती.

पंतप्रधान नरेंद्र मोदी यांचा दौरा संपल्यानंतर कट्टरतावादी इस्लामिक गटांच्या आंदोलनात पोलिसांसोबत झालेल्या हिंसाचारात किमान १० जणांचा मृत्यू झाला आहे. आंदोलकांच्या मृत्यूमुळे बांगलादेश पुन्हा आंदोलन पेटले आहे. बांगलादेश स्वातंत्र्याच्या सुवर्ण महोत्सवी वर्षानिमित्त आयोजित करण्यात आलेल्या कार्यक्रमासाठी पंतप्रधान मोदी बांगलादेश दौऱ्यावर होते. पंतप्रधान मोदी हे भारतातील मुस्लिमांविरोधात असून त्यांच्याशी भेदभाव करत असल्याचा आरोप करत त्यांच्या दौऱ्याला काही कट्टरतावादी संघटनांनी विरोध केला होता.

वाचा:
शनिवारी, चितगाव आणि ढाकाच्या रस्त्यांवर हजारो आंदोलक उतरले होते. आंदोलकांवर नियंत्रण मिळवण्यासाठी पोलिसांनी अश्रूधुराच्या नळकांड्या फोडल्या आणि रबर बुलेटचा वापर केला. तर, रविवारी हिफाजत-ए-इस्लाम या संघटनेच्या कार्यकर्त्यांनी ब्राह्मनबरियामध्ये एका ट्रेनवर हल्ला केला. यामध्ये १० जण जखमी झाले.

वाचा:
एका पोलीस अधिकाऱ्याने ‘रॉयटर्स’ला दिलेल्या माहितीनुसार, ट्रेनवर झालेल्या हल्ल्यात इंजिन रुम आणि जवळपास सर्वच कोचचे नुकसान झाले आहे. ब्राह्मनबरियामध्ये जाळपोळ होत असल्याचे पत्रकार जावेद रहीम यांनी सांगितले. काही सरकारी कार्यालयांना आगी लावण्यात आल्या आहेत. प्रेस क्लबवरही हल्ला करण्यात आला असून अनेकजण जखमी आहेत. यामध्ये प्रेस क्लबच्या अध्यक्षांचाही समावेश आहे. त्याशिवाय काही हिंदू मंदिरावरही हल्ला झाला असल्याचे त्यांनी सांगितले.

वाचा:
त्याशिवाय, नारायणगंजमध्येही कट्टरतावादी संघटनांचे कार्यकर्ते आणि पोलिसांमध्ये संघर्ष झाला. त्यांनी पोलिसांवर दगडफेक केली. आंदोलकांनी रस्ते बंद करण्याचे प्रयत्न केले. यावेळी पोलिसांनी आंदोलकांना रोखण्यासाठी अश्रूधुराच्या नळकांड्या फोडल्या आणि रबरी गोळ्या चालवल्या. यामध्ये अनेकजण जखमी झाल्याचे वृत्त आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here