मुंबईः राष्ट्रवादी काँग्रेसचे अध्यक्ष यांना पोटदुखीचा त्रास जाणवू लागल्यानं त्यांच्यावर बुधवारी शस्त्रक्रिया करण्यात येणार आहे. शरद पवारांवरील शस्त्रक्रिया नीट पार पाडावी यासाठी राजकीय व कला क्षेत्रातून सदिच्छा देण्यात आल्या आहेत. मुख्यमंत्री उद्धव ठाकरे यांनीही फोनच्या माध्यमातून पवारांच्या तब्येतीची विचारपूस केली होती.

शरद पवार यांना या आजारातून लवकर बरे वाटावं यासाठी भाजप नेत्यांनीही ट्वीट केली आहे. भाजपचे विधान परिषदेचे विरोधी पक्षनेते प्रवीण दरेकर, आमदार अतुल भातखळकर यांनीही शरद पवारांच्या उत्तम प्रकृतीसाठी सदिच्छा दिल्या आहेत.

प्रवीण दरेकर यांनी केलेल्या ट्वीटमुळं मात्र चर्चेला उधाण आलं आहे. पवार साहेब लवकर बरे व्हा! नियोजित शस्त्रक्रिया यशस्वी होऊन आपण लवकर बरे व्हावे, हीच ईश्वराकडे प्रार्थना. पक्षभेदापलीकडचे प्रत्येक राजकीय कार्यकर्त्यांचे ‘मार्गदर्शक’ आहात तुम्ही राजकीय आणि सामाजिक क्षेत्रातील ‘आधारवड’ आहात तुम्ही’ असं ट्वीट दरेकर यांनी केलं आहे.

तर, अतुल भातखळकर यांनीही शरद पवार यांची शस्त्रक्रिया यशस्वी होवो व ते लवकरात लवकर बरे होवोत हीच इश्वर चरणी प्रार्थना, असं म्हटलं आहे.

शरद पवारांवर शस्त्रक्रिया

काल रविवारी रात्री पवार यांना अस्वस्थ वाटू लागल्याने तपासणीसाठी त्यांना ब्रीच कँडी रुग्णालयात दाखल करण्यात आले होते. तपासणीनंतर त्यांना पित्ताशयाचा त्रास असल्याचं निदान झालं. पित्ताशयावर शस्त्रक्रिया करण्यात येणार आहे. दोन दिवस औषधे बंद करण्यात आली आहे. शिवाय ३१ मार्चला अँडोस्कोपी झाल्यानंतर शस्त्रक्रिया केली जाईल, असं राष्ट्रवादी काँग्रेसचे प्रवक्ते नवाब मलिक यांनी म्हटलं आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here