म. टा. प्रतिनिधी, पुणे

करोनाबाधित रुग्णांची संख्या वाढत असताना, लॉकडाउनऐवजी आणखी कडक निर्बंध लावण्याचा प्रस्ताव प्रशासनाकडून राज्य सरकारकडे सादर करण्यात आला आहे. उपमुख्यमंत्री आणि पालकमंत्री यांच्या उपस्थितीत आज, शुक्रवारी होणाऱ्या करोनाच्या आढावा बैठकीत कोणत्या प्रकारचे निर्बंध लावायचे, याबाबतचा अंतिम निर्णय घेण्यात येणार आहे.

पवार हे करोनाच्या सद्यस्थितीचा दर शुक्रवारी आढावा घेतात. करोनाबाधितांची संख्या कमी न झाल्यास दोन एप्रिल रोजी लॉकडाउनचा निर्णय घ्यावा लागेल, असा इशारा गेल्या शुक्रवारच्या बैठकीत त्यांनी दिला होता. या पार्श्वभूमीवर आजच्या बैठकीकडे सर्वांचे लक्ष असेल. या बैठकीला शहर आणि जिल्ह्यातील सर्व आमदारांना निमंत्रित करण्यात आले आहे.

वाचा:

याबाबत विभागीय आयुक्त सौरभ राव म्हणाले, ‘करोनाबाधितांची संख्या कमी करण्यासाठी हा एकमेव पर्याय नाही. त्यामुळे लॉकडाउनचा पर्याय प्रस्तावित केलेला नाही. त्यापेक्षा आणखी कडक निर्बंध लावण्याचे सुचविले आहे. आढावा बैठकीत चर्चेनंतर अंतिम निर्णय घेतला जाणार आहे’

‘लॉकडाउनने प्रादुर्भाव कमी होऊ शकतो. मात्र, त्याऐवजी अन्य पर्यायांचा विचार करणे आवश्यक आहे. त्यामुळे आणखी कडक निर्बंध लावण्याचे सुचविण्यात आले आहे. लोकप्रतिनिधींबरोबर चर्चा झाल्यानंतर अंतिम निर्णय होणार आहे. त्यासाठी या बैठकीला आमदारांना निमंत्रित करण्यात आले आहे,’ असे राव यांनी स्पष्ट केले.

दोन दिवसांत कठोर नियम?

मुंबई : वाढती रुग्णसंख्या पाहता राज्य सरकारकडून दोन दिवसांत कठोर नियमांची घोषणा केली जाण्याची शक्यता आहे. वारंवार आवाहन करूनही नागरिकांकाकडून नियमांचे पालन होत नसल्याने राज्यात संपूर्ण लॉकडाउन; तसेच सार्वजनिक प्रवासी वाहतूकीवर पूर्ण बंदीची शक्यता नसली तरी इतर कठोर नियमांची घोषणा केली जाऊ शकते. त्यानुसार प्रवासी बससेवा ५० टक्के क्षमतेने सुरू ठेवली जाऊ शकते. चित्रपटगृहे, नाट्यगृहे आणि मॉल पूर्ण बंद केले जाण्याची शक्यता आहे. लग्न समारंभाबाबतचे निर्बंध अधिक कडक केले जातील. हॉटेल आणि रेस्टॉरंट ५० टक्के क्षमतेने सुरू ठेवण्यात येतील. दुकानात पाचपेक्षा जास्त व्यक्ती आढळल्यास कडक कारवाई केली जाणार आहे. सार्वजनिक ठिकाणी करोनाप्रतिबंधक नियमांची अतिशय काटेकारेपणे अंमलबजावणी केली जाणार असल्याचे समजते.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here