खाजगी रुग्णालयाचा हलगर्जीपणा; वापरलेले पीपीई किट टाकले उघड्यावर

सांगली: राज्यात करोनाचा कहर सुरू असून अनेक ठिकाणी मर्यादित स्वरुपाचा लॉकडाउन आणि कडक निर्बंध लागू करण्यात आले आहेत. सरकारने ही पावले उचलताना नागरिकांना कोटेकोरपणे नियम पाळण्याचे आवाहन केले आहे. इतकेच नाही तर राज्यात संपूर्ण लॉकडाऊन लावण्याबाबतही राज्य सरकारचा विचार सुरू आहे. असे असताना सांगलीत एक धक्कादायक प्रकार समोर आला आहे. वसंतदादा पाटील शासकीय रुग्णालयासमोर असणाऱ्या एका खाजगी रुग्णायालात वापरलेले उघड्यावर टाकल्याचा प्रकार सायंकाळच्या सुमारास उघडकीस आला. (negligence of a private hospital; used thrown in the open place)

आदित्य डायग्नोस्टिक सेंटरची रुग्णवाहिका घेऊन चालक प्रकाश अवघडे गणेशनगर परिसरात असणाऱ्या कचरा कुंडीमध्ये हे वापरलेले पीपीई किट आणि वैद्यकीय कचरा टाकण्यासाठी आणण्यात आले होते. त्यावेळी याठिकाणी असणाऱ्या संतप्त नागरिकांनी रंगामध्ये माखलेल्या चालकाला रोखून धरत चांगलाच जाब विचारला. या चालकाला कोणतेच समाधानकारक उत्तर देता आले नसल्याने संतप्त झालेल्या या परिसरातील नागरिकांनी रुग्णवाहिकेची तुफान तोडफोड केली. यामध्ये गाडीच्या काचा फुटून मोठ्या प्रमाणात नुकसान झाले.

क्लिक करा आणि वाचा-

घटनेची माहिती मिळताच महापालिकेचे अधिकारी आणि महापौर तातडीने दाखल झाले. गलथान कारभार आणि उघड्याव पीपीई किट टाकल्या प्रकरणी एक लाखांचा दंड ठोठावण्यात आला. दरम्यान, या रुग्णालयाकडून वारंवार असे प्रकार घडत असल्याने रुग्णालयाचा परवाना रद्द करण्याची प्रक्रिया करणार असल्याचं महापौर दिग्विजय सूर्यवंशी यांनी सांगितलं आहे.

क्लिक करा आणि वाचा-क्लिक करा आणि वाचा-