वाचा:
महाराष्ट्रात संसर्गाने थैमान घातले आहे. दैनंदिन रुग्णसंख्या रोज नवे उच्चांक गाठताना दिसत आहे. करोना लसीकरणात महाराष्ट्र अव्वल स्थानावर असताना करोना विषाणूचा प्रादुर्भाव कमी होत नसल्याने आरोग्य यंत्रणा आणि सरकारचीही झोप उडाली आहे. मुख्यमंत्री यांनी आज तातडीची मंत्रिमंडळ बैठक घेऊन राज्यात ३० एप्रिलपर्यंत वीकेंड आणि इतर दिवशी कठोर निर्बंध लावण्याचा निर्णय घेतला असतानाच आजची आकडेवारी हाती आली असून हे आकडे धडकी भरवणारे आहेत. राज्यात आज ५७ हजार ७४ नवीन रुग्णांची भर पडली असून एकट्या पालिका क्षेत्रातच ११ हजारांवर नवीन रुग्ण आढळून आले आहेत. आणि नागपूर या शहरांतील आकडेही काळजीत भर टाकणारे आहेत. पुणे महापालिका हद्दीत गेल्या २४ तासांत ६ हजार ३२१ नवीन रुग्णांची भर पडली आहे तर नागपूर पालिका हद्दीत ३ हजार १११ नवे बाधित आढळले आहेत.
वाचा:
राज्यातील अॅक्टिव्ह रुग्णांचा आकडा ४ लाख ३० हजार ५०३ इतका झाला असून त्यात पुणे जिल्हा पहिल्या स्थानी आहे. पुणे जिल्ह्यात सध्या ८१ हजार ३१७ अॅक्टिव्ह रुग्ण आहेत. त्यापाठोपाठ मुंबई पालिका क्षेत्रात ६६ हजार ८०३ रुग्णांवर उपचार सुरू असून नागपूर जिल्ह्यात ५३ हजार ६३८ तर ठाणे जिल्ह्यात ५३ हजार २३० अॅक्टिव्ह रुग्ण आहेत.
करोनाची आजची स्थिती
– राज्यात आज २७ हजार ५०८ रुग्ण बरे होऊन परतले घरी.
– आजपर्यंत एकूण २५ लाख २२ हजार ८२३ करोना बाधित रुग्ण झाले बरे.
– राज्यातील रुग्ण बरे होण्याचे प्रमाण (Recovery Rate) ८३.८ टक्के एवढे.
– गेल्या २४ तासांत राज्यात ५७ हजार ७४ नवीन रुग्णांचे निदान.
– राज्यातील अॅक्टिव्ह रुग्णांची संख्या पोहचली ४ लाख ३० हजार ५०३ वर.
– राज्यात आज २२२ करोना बाधित रुग्णांच्या मृत्यूंची नोंद.
– सध्या राज्यातील करोना मृत्यूदर १.८६ % एवढा.
– आजपर्यंत तपासण्यात आलेल्या २ कोटी ५ लाख ४० हजार १११ प्रयोगशाळा नमुन्यांपैकी ३० लाख १० हजार ५९७ (१४.६६ टक्के) नमुने पॉझिटिव्ह.
– सध्या राज्यात २२,०५,८९९ व्यक्ती होमक्वारंटाइनमध्ये आहेत तर १९,७११ व्यक्ती संस्थात्मक क्वारंटाइनमध्ये.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
