वाचा:
सचिन वाझे यांना घेऊन एनआयएच्या गाड्या थेट प्लॅटफॉर्मच्या जवळ गेल्या होत्या, असे व्हिडिओत दिसत आहे. लोकलच्या बाजूने वाझे चालत आहेत. त्यांच्याभोवती एनआयए पथकातील अधिकारी आहेत. त्यांच्याकडून वाझे यांना काही प्रश्न विचारले जात आहेत, असेही दृष्यांमधून स्पष्ट होत आहे. वाझे यांना प्लॅटफॉर्म क्रमांक ४ वर नेण्यात आले होते. हा प्लॅटफॉर्म आधीपासूनच रिकामा करण्यात आला होता, असेही सूत्रांनी सांगितले.
वाचा:
मुकेश अंबानी यांच्या घराबाहेर कारमध्ये आढळलेली स्फोटकं आणि मनसुख हिरन मृत्यू प्रकरणात सचिन वाझे यांना अटक करण्यात आली असून मनसुख हिरन प्रकरणी तपासाचा भाग म्हणून वाझे यांना छत्रपती शिवाजी महाराज टर्मिनसवर नेण्यात आले होते. यावेळी एनआयए टीमसोबत पुणे येथील सेंट्रल फॉरेन्सिक सायन्स लॅबोरेटरी (सीएफएसएल) येथील तज्ज्ञही हजर होते, अशी माहितीही मिळाली आहे.
वाचा:
सचिन वाझे हे ४ मार्च रोजी सायंकाळी सहा वाजता सीआययु युनिटच्या ऑफिसमधून सीएसएमटीच्या दिशेने चालत गेले होते. त्यांनी सायंकाळी सात वाजताच्या सुमारास ठाण्याला जाणारी लोकल ट्रेन पकडली. ठाण्यात पोहचल्यावर रात्री ८ च्या सुमारास वाझे यांनी मनसुख हिरन यांना फोन केला होता. त्यानंतर सध्या अटकेत असलेला विनायक शिंदे तसेच मनसुख हिरन तिथे पोहचले होते. एका ऑडी कारमध्ये हे तिघे भेटले होते. नंतर वाझे यांनी लोकल ट्रेनने पुन्हा भायखळ्यापर्यंत प्रवास केला होता. महत्त्वाचे म्हणजे त्याच्या दुसऱ्याच दिवशी मनसुख हिरनचा मृतदेह आढळला होता. या सर्व घटनाक्रमाची जुळवाजुळव एनआयएकडून केली जात असून त्याचाच भाग म्हणून सीएसएमटी येथे क्राइम सीन रिएक्रिशन करण्यात आले, अशी माहितीही सूत्रांकडून देण्यात आली.
दरम्यान, याआधी अशाचप्रकारे मुकेश अंबानी यांच्या अँटिलिया निवासस्थानाबाहेर तसेच मिठी नदीवरील संबंधित स्पॉटवरही वाझे यांना नेण्यात आले होते. याशिवाय आतापर्यंत वाझे यांच्या अनेक महागड्या कार जप्त करण्यात आल्या आहेत.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
