काल मंगळवारी १०६२ इतकी रुग्णांची संख्या पॉझिटिव्ह आली असून आज २३ रुग्णांचा मृत्यू झाला आहे. या पार्श्वभूमीवर आजच जिल्हाधिकारी विपीन इटनकर आणि जिल्हा शल्य चिकित्सक नीलकंठ भोसीकर यांनी शहरातील काही मंगल कार्यालयाची पाहणी केली असून येत्या दोन दिवसात जम्बो कोव्हिड सेंटर उभारणार असल्याची माहिती जिल्हाधिकारी डॉ. विपीन यांनी दिलीय.
क्लिक करा आणि वाचा-
या जम्बो कोविड सेंटरमध्ये एकाचवेळी जवळपास दोन हजाराच्या आसपास रुग्णावर उपचार करता येणार आहेत. तसेच यात व्हेंटिलेटर, सर्व सोयींनीशी बेड, भोजन व्यवस्था ,अनुभवी डॉक्टर्स व उपचार सामुग्री सह सज्ज असेल. त्यामुळे नागरिकांनी सर्दी, ताप, खोकला अशी कुठली लक्षणे आढळल्यास त्वरित कोव्हिड सेंटरमध्ये दाखल होऊन उपचार घ्यावेत ,लक्षणांकडे दुर्लक्ष करू नये असे प्रशासनाकडून आवाहन करण्यात आलंय.
क्लिक करा आणि वाचा-
देशातील सर्वाधिक प्रभावित शहरांमध्ये राज्यातील एकूण ९ शहरांचा समावेश करण्यात आला. यात नांदेडचाही समावेश आहे. या बरोबरच नांदेड जिल्हा राज्यात करोनाचा हॉटस्पॉट ठरला आहे. यामुळेच २४ मार्च या दिवशी नांदेडमध्ये १० दिवसांचा लॉकडाउन जाहीर करण्यात आला होता.
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
