वाचा:
केंद्रीय मंत्री प्रकाश जावडेकर यांनी आज दिल्लीत पत्रकार परिषद घेऊन महाराष्ट्र सरकारवर अनेक गंभीर आरोप केले. त्यात पाच लाख डोस वाया घालवल्याचा आरोप त्यांनी केल्याने त्याला महाराष्ट्र सरकारकडून आणि शिवसेनेकडून प्रत्युत्तर देण्यात आले आहे. जावडेकर यांनी पाच लाख डोस वाया घालवले असा जो आरोप महाराष्ट्रावर केला आहे तो करताना त्यांनी भाजपचे सरकार असलेल्या राज्यांची स्थिती पण बघायला हवी होती, असा टोलाच शिवसेनेने लगावला आहे. शिवसेनेने कोणत्या राज्यात आतापर्यंत किती कोविड लस वाया गेल्या याची आकडेवारीसुद्धा दिली आहे. मुख्य म्हणजे केंद्राकडून जारी झालेलीच ही माहिती आहे.
वाचा:
कोणत्या राज्यात किती टक्के लस वाया गेल्या?
तेलंगण – १७.५ %
आंध्र प्रदेश – ११.५ %
उत्तर प्रदेश – ९.४ %
कर्नाटक – ६.९ %
जम्मू काश्मीर – ६.५ %
राजस्थान – ५.६ %
आसाम – ५.५ %
गुजरात – ५.३ %
पश्चिम बंगाल – ४.१ %
महाराष्ट्र – ३.२ %
ही आकडेवारी पाहता महाराष्ट्राच्या वाट्याला आलेल्या लसपैकी ३.२ टक्के लस वाया गेल्या हे खरं असलं तरी इतर राज्यांच्या तुलनेत ते प्रमाण फारच कमी आहे. म्हणूनच महाविकास आघाडी सरकारची कावीळ झालेल्यांना सगळंच पिवळं दिसू लागलंय असं म्हणावं लागेल, असा टोला शिवसेनेने हाणला. महाराष्ट्राला आणि महाराष्ट्र सरकारला कसं बदनाम करता येईल हाच यांचा अजेंडा आहे, असा आरोपही शिवसेनेने आणि प्रकाश जावडेकर यांच्यावर केला. शिवसेनेच्या प्रसिद्धीप्रमुखांनी ही माहिती माध्यमांना दिली आहे.
वाचा:
टोपे यांनीही साधला निशाणा
लसीकरणावरून महाराष्ट्र शासन राजकारण करीत नाही. याउलट लस वाया जाण्याची जी राष्ट्रीय सरासरी आहे ती आपण महाराष्ट्राच्या नावावर खपवत आहात. आपल्या राज्यात लस वाया जाण्याचे प्रमाण राष्ट्रीय सरासरीच्या निम्म्यापेक्षाही कमी आहे. आपल्यासारखा महाराष्ट्राचा सुपुत्र राज्याची प्रतिमा मलिन होणार नाही याची दक्षता घेईल ही माफक अपेक्षा आहे, असे नमूद करत आरोग्यमंत्री राजेश टोपे यांनी प्रकाश जावडेकर यांची विधाने खोडली आहेत.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
