जळगाव जिल्ह्यातील यावल तालुक्यात असलेल्या किनगाव येथील एका गर्भवती महिलेने शनिवारी जळगाव शासकीय वैद्यकीय महाविद्यालयातील कोविड रुग्णालयात एका मुलाला जन्म दिला. मातेच्या पोटात पाणी झाल्यामुळे साडे सात महिन्यातच सिझर करावे लागले. कमी दिवसाचे (३० आठवड्याचे) असल्याने जन्मानंतर पहिल्या दिवसांपासूनच या बाळाची प्रकृती गंभीर होती. त्याचे वजन देखील कमी होते. बाळाला पहिल्या दिवसापासूनच श्वास घ्याला त्रास होत होता. त्यामुळे बाळाला देखील ऑक्सिजन सुरु होता. आधीच कमी दिवसाचे हे बाळ असल्याने त्याची प्रकृती गंभीर होती. आज शुक्रवारी पाचव्या दिवशी बाळाचा उपचार सुरु असतांना मृत्यू झाला.
वाचाः
करोना संसर्गाच्या दुसऱ्या टप्प्यात लहान बालकांचे गंभीर होण्याचे प्रमाण वाढले आहे. पालकांनी याकडे बारकाईने लक्ष ठेवावे असे आवाहन देखील या निमित्ताने जळगाव जिल्हा शासकीय वैद्यकीय महाविद्यालयाच्या वैद्यकीय अधिकारी यांनी केले आहे. जळगाव जिल्ह्यात करोनामुळे एवढ्या लहान बालकाचा मृत्यू होण्याची ही पहिलीच घटना आहे. या बाळाची माता ही बाधित असून रुग्णालयात दाखल आहेत. बाळाच्या करोना बाधित आईची प्रकृती स्थिर असल्याचे वैद्यकीय सूत्रांनी सांगितले आहे.
वाचाः
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
