हृदयद्रावक! पुण्यात एकाच कुटुंबातील सर्वांना करोनाने मृत्यू

: करोनाने () अवघ्या पंधरा दिवसात एक संपूर्ण कुटुंब संपवण्याची हृदयद्वावक घटना पुण्यात घडली आहे. पुण्यातील जाधव कुटुंबातील सर्वच्या सर्व पाच जणांचा करोनाने मृत्यू झाला आहे. पूजेसाठी हे कुटुंब एकत्र आले असता सर्वांना करोनाचा संसर्ग झाल्याचे सांगण्यात येत आहे. आई अलका जाधव, भाऊ रोहित जाधव, अतुल जाधव आणि बहीण वैशाली गायकवाड यांचा कोरोनामुळे मृत्यू झाला. एकाच कुटुंबातील पाच जणांचा कोरोनाने मृत्यू झाल्याने परिसरात हळहळ व्यक्त होत असून भीतीचे वातावरण पसरले आहे. (In Pune, all the members of the same family died in 15 days due to corona)

जाधव कुटुंबीयांनी आपल्या घरात पूजेचं आयोजन केले होते. या पूजेसाठी कुटुंबातील सर्वजण एकत्र आले होते. सगळेजण एकाच कुटुंबातील सर्वजण असल्याने एका घरात एकत्र येण्यास त्यांना धोका वाटला नाही. पुजेनंतर भाऊ, बहीण आपापल्या घरी निघून गेल्यानंतर एकत्र जमलेल्या सर्वांनाच एकामागोमाग कोरोनाची लागण झाल्याचे स्पष्ट झाले. नंतर त्यांची प्रकृती ढासळत गेली. त्यानंतर फक्त १५ दिवसांमध्ये या ५ जणांना आपले प्राण गमवावे लागले.

क्लिक करा आणि वाचा-
राज्यात करोनाची स्थिती भीषण असून पुण्यातही करोनाची चिंताजनक स्थिती आहे. राज्यात एकूण ६ लाख ३८ हजार ०३४ इतके सक्रिय रुग्ण असून त्यांपैकी तब्बल १ लाख १६ हजार ६६५ सक्रिय रुग्ण एकट्या पुण्यात आहेत. पुण्यात रुग्णवाढ वेगाने होत आहे. पुण्यात करोनावर नियंत्रण मिळवण्याचा एक उपाय म्हणून पुण्यातील सर्वच गृहनिर्माण सोसायट्यांमध्ये रहिवाशांव्यतिरिक्त बाहेरील व्यक्तींना प्रवेश करण्यास प्रतिबंध लावण्यात आला आहे. तसेच नियमित सोसायटीमध्ये येणाऱ्यांची आरटीपीसीआर चाचणी करण्याचे आदेश पुणे महापालिकेने दिले आहेत.

क्लिक करा आणि वाचा-
क्लिक करा आणि वाचा-