म. टा. प्रतिनिधी, जळगाव

जळगाव जिल्ह्यात करोना संसर्गामुळे दररोज रुग्णांची संख्या वाढत आहे. सुमारे दिड हजार अॅक्टीव्ह रुग्ण आक्सिजनवर तर ८०० रुग्ण व्हेंटीलेटवर असल्याने त्यांच्यासाठी आक्सिजनची मागणी देखील वाढली आहे. मागणीत वाढ झाल्यानतंरही त्या तुलनेत आक्सिजनचा पुरवठा होत नसल्याने जिल्ह्यात आक्सिजनची आणिबाणी झाली आहे. मागणी वाढल्याने आक्सिजन सिलेंडरचे दर देखील दुप्पटीन वाढले आहेत. ( district and the price doubled as demand increased)

जळगाव दररोज एक हजारापेक्षा अधिक नवे करोनाबाधित रुग्ण आढळून येत आहेत. वाढीव रुग्णसंख्येमुळे उपचारासाठी लागणाऱ्या आरोग्यसुविधा तसेच औषधांचा तुटवडा जाणवत आहे. सध्या जिल्ह्यात कोरोनाच्या अॅक्टिव्ह रुग्णांची संख्या १२ हजारांच्या उंबरठ्यावर आहे. त्यात दीड हजारांवर रुग्ण हे यंत्रणेवर आहेत तर, आठशेपेक्षा अधिक रुग्ण अतिदक्षता विभागात व्हेंटिलेटरवर उपचार घेत आहेत. या रुग्णांसाठी दररोज जिल्ह्यात किमान ४० टनापेक्षा लिक्विड ऑक्सिजनची आवश्यकता भासत आहे. त्यासाठी जिल्ह्यात लिक्विड ऑक्सिजन गॅस साठवणूक करण्यासाठीची क्षमता ५० टनांची आहे. मात्र, जळगाव जिल्ह्यासाठी दररोज केवळ ३० ते ३२ टन लिक्विड ऑक्सिजनचा पुरवठा होत आहे. त्यामुळे, ८ ते १० टन लिक्विड ऑक्सिजनचा तुटवडा भासत आहे. मागणी वाढल्यामुळे ऑक्सिजन सिलिंडरचे दरही दुप्पट ते तिप्पट पटीने वाढले आहेत. सध्या एका जम्बो ऑक्सिजन सिलिंडरचा दर ५०० ते ६०० रुपये आहे. तीन महिन्यांपूर्वी कोरोना संसर्गाचा वेग मंदावलेला असताना हेच दर २०० ते २५० रुपये होते.

ऑक्सिजनची मागणी वाढल्याने ऑक्सिजन उत्पादक कंपन्यांकडून लिक्विड ऑक्सिजनची मागणी वाढली आहे. त्यामुळे लिक्विड ऑक्सिजनचेही दर वाढले आहेत. पूर्वी लिक्विड ऑक्सिजन १२ ते १५ रुपये प्रतिकिलोने मिळत होता. आता हेच दर ५० ते ६० रुपये प्रतिकिलो इतके झाले आहेत. सध्या ऑक्सिजनच्या पुरवठ्यावर अन्न व औषध प्रशासनाचे नियंत्रण आहे. केवळ आरोग्य यंत्रणेसाठीच ऑक्सिजन पुरवठा होत आहे.

क्लिक करा आणि वाचा-

जिल्ह्यासाठी दररोज हवेत २ टँकर

करोना संसर्गाची जळगाव जिल्ह्यातील परिस्थिती लक्षात घेता जिल्ह्यासाठी दररोज दोन लिक्विड ऑक्सिजनचे टॅंकर मिळणे गरजेचे आहे. कृत्रिम ऑक्सिजनच्या समस्येवर मार्ग काढण्यासाठी जिल्हा प्रशासनाकडून मुंबई व रायगड जिल्ह्यातील लिक्विड ऑक्सिजन उत्पादकांशी संपर्क साधला जात आहे. जिल्ह्यासाठी मुरबाड (कल्याण) तसेच तळोजा (रायगड) येथून लिक्विड ऑक्सिजनचा पुरवठा होत आहे.

क्लिक करा आणि वाचा-

२४ तासात ४५० ऑक्सिजन सिलिंडरचे उत्पादन

जिल्ह्यासाठी उपलब्ध होणाऱ्या ३० ते ३५ टन लिक्विड ऑक्सिजनपासून सुमारे साडेतीन हजार जम्बो सिलिंडर ऑक्सिजन निर्मिती होते. एका जम्बो सिलिंडरमध्ये ७ क्युबिक मीटर ऑक्सिजन असतो. एका प्लांटमध्ये २४ तासात ४५०ऑक्सिजन सिलिंडर उत्पादन होते. ऑक्सिजनची सध्याची मागणी लक्षात घेता हे उत्पादन खूपच कमी आहे.

क्लिक करा आणि वाचा-

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here