ऑक्सिजनचा पुरवठा करणाऱ्या टँकर्सना ॲम्बुलन्सचा दर्जा

करोनाबाधित रुग्णांसाठी करणाऱ्या देण्यात आला आहे. जिल्‍हाधिकारी डॉ. राजेश देशमुख यांनी याबाबतचे आदेश दिले आहेत. (Ambulance status to supplying oxygen)

ऑक्सिजन वाहतूक करणाऱ्या टँकर्सना पुरवठ्याच्या ठिकाणी पोहोचणे अत्यावश्यक असते. मात्र वाहतूक कोंडीमुळे; तसेच टोलनाक्यांवरील रांगांमुळे विलंब होत असल्याचे निदर्शनास आले आहे. त्यामुळे हा निर्णय घेण्यात आला आहे. ऑक्सिजन वाहतूक करणाऱ्या टॅंकर्सवर सायरन व जीपीएस यंत्रणा बसविण्यात यावी, या टँकर्सना वाहतुकीचा अडथळा होऊ नये, यासाठी पोलिसांनी मार्ग खुला करून देणे, आवश्यकता भासल्यास पोलीस बंदोबस्तात ऑक्सिजन पुरवठा करणारी वाहने संबंधित ठिकाणी पोहोचविणे, टोल नाक्यांवर या टँकर्सना स्वतंत्र मार्ग ठेवावा, अशा सूचनाही जिल्हाधिकारी डॉ देशमुख यांनी केल्या आहेत.

रेमडेसिवीरचा काळाबाजार रोखणार

दरम्यान, पुणे, पिंपरी-चिंचवड शहर आणि जिल्ह्यात रेमडेसिव्हिर इंजेक्शनमधील काळाबाजार रोखण्यासाठी वितरकांकडून इंजेक्शन ताब्यात घेण्यासाठी येणाऱ्या व्यक्तीला रुग्णालयांनी लेटरहेडवर पत्र देणे आणि संबंधित व्यक्तीने ओळखपत्र वितरकांकडे सादर करण्याची सक्ती करण्यात आली आहे. जिल्हाधिकारी डॉ. राजेश देशमुख यांनी याबाबतचे आदेश दिले आहेत. या पद्धतीनुसार सोमवारी जिल्ह्यातील १८४ रुग्णालयांना १७३३ इंजेक्शन उपलब्ध करून देण्यात आले.

क्लिक करा आणि वाचा-
राज्य सरकारने निश्चित केलेल्या दरामध्येच इंजेक्शन घ्यावे लागणार असून, त्यामध्ये गैरप्रकार झाल्यास भरारी पथकांद्वारे रुग्णालय व्यवस्थापन आणि वितरक यांच्याविरुद्ध कारवाई करण्याचा इशारा जिल्हाधिकारी डॉ. देशमुख यांनी दिला आहे.

रेमडेसिव्हिर इंजेक्शन देताना अनेक गैरप्रकार होत असल्याचे प्रकार निदर्शनास आल्यानंतर खबरदारी घेण्यात आली आहे. त्यानुसार रुग्णालय आणि वितरक यांच्यावर काही बंधने घालण्यात आली आहेत. प्रत्येक रुग्णालयाला दररोज मंजूर करण्यात आलेल्या संख्येनुसार वितरकांनी इजेक्शन उपलब्ध करून देण्याचे बंधन आहे. इंजेक्शन ताब्यात घेण्यासाठी आलेल्या व्यक्तीच्या नावाने रुग्णालयांनी पत्र देण्याची सक्ती आहे. ते पत्र आणि ओळखपत्र संबंधित व्यक्तीने वितरकांकडे सादर करणे बंधनकारक असल्याचे डॉ. देशमुख यांनी आदेशात स्पष्ट केले आहेत.

क्लिक करा आणि वाचा-
आरोग्य विभाग आणि भरारी पथकांनी योग्य वाटप होत आहे की नाही, यावर लक्ष ठेऊन गैरप्रकार आढळल्यास कारवाई करावी, असेही निर्दश डॉ. देशमुख यांनी दिले आहेत.

क्लिक करा आणि वाचा-