याबाबत २४ वर्षीय तरुणीने तक्रार दिली आहे. त्यानुसार कृष्णा डोंगरे व त्याच्या दोन साथीदारांच्या विरोधात विनयभंग, जबरी चोरी आणि मारहाण केल्याचा गुन्हा दाखल करण्यात आला आहे. मयुर कॉलनीतील जोग शाळा परिसरात रविवारी सायंकाळी ही घटना घडली. पोलिसांनी दिलेल्या माहितीनुसार, आरोपी डोंगरे याचे तरुणीवर एकतर्फी प्रेम आहे. गेल्या काही दिवसांपासून तो तरुणीचा पाठलाग करून तिला त्रास देत होता. प्रेमाबाबत त्याने तरुणीला विचारले होते. त्यावेळी तरुणीने त्याला नकार दिला. तसेच, त्याला आवडत नसल्याचे वारंवार सांगितले होते. तरीही तो तिचा चोरून पाठलाग करत होता.
१८ एप्रिल रोजी सायंकाळी तरुणी व तिचा मित्र हे मयुर कॉलनी परिसरात जात होते. त्यावेळी आरोपी डोंगरे व त्याचे दोन साथीदार यांनी त्यांना अडविले. त्यानंतर दोघांना पकडून तरुणीच्या मित्राला जबरदस्तीने पकडून हातामधील कड्याने डोक्यात व पोटावर मारहाण केली. त्यानंतर तरुणीविषयी असभ्य भाषा वापरली. तिच्याकडील मोबाइल व रोख सात हजार रूपये हिसकावून घेतले. त्यानंतर निघून गेले. या प्रकरणी तरुणीने कोथरूड पोलिसांकडे धाव घेऊन तक्रार दिली. त्यानुसार कोथरूड पोलिसांनी गुन्हा दाखल केला असून, आरोपींचा शोध घेण्यात येत आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
