अशोक मान (वय ४५)असं मृत्यू झालेल्या कार्यकर्त्याचं नाव आहे. आपचे खासदार संजय सिंह यांनी या घटनेची माहिती ट्विटरद्वारे दिली. गोळीबारात आणखी एक कार्यकर्ता गंभीर जखमी झाला आहे. त्याला जवळच्या रुग्णालयात दाखल करण्यात आले आहे. हे दोन्ही कार्यकर्ते यादव यांच्यासोबत होते. ते सर्वजण मंदिरातून परतत असताना हा हल्ला झाला. या प्रकरणी किशनगढ पोलीस ठाण्यात एफआयआर दाखल करण्यात आला असून पोलीस तपास सुरू आहे. बंदुकीतून चार राऊंड फायर करण्यात आल्याची माहिती यादव यांनी एएनआय वृत्तसंस्थेशी बोलताना दिली.
ही घटना दुर्दैवी आहे. या घटनेमागील कारण माहिती नाही, पण हे सगळं अचानक घडलं. मला खात्री आहे की पोलिसांनी योग्य तपास केला तर मारेकरी नक्कीच सापडतील, असंही यादव म्हणाले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
