म. टा. प्रतिनिधी, जळगावः जळगाव शहरात रेमडेसिवीर इंजेक्शनची काळ्या बाजारात ३० हजार रूपयापर्यंत विक्री करणाऱ्या टोळीचा काल गुरूवारी पर्दाफाश झाला. दोन ठिकाणी छापा टाकून आतापर्यंत करण्यात आली आहे. या गुन्ह्यातील आहे. संशयितांकडून ७ रेमडेसिविर इंजेक्शन जप्त करण्‍यात आले असल्याची माहिती जिल्हा पोलीस अधीक्षक डॉ. प्रवीण मुंढे यांनी शुक्रवारी पत्रकार परिषदेत दिली. प्रशासनाच्या नियंत्रणात असतांना रेमडेसिवीरचा इंजेक्शनचा काळाबाजार कसा होत आहे ? याचा तपास सुरु असल्याचे त्यांनी सांगीतले.दरम्यान दोन दिवसांपूर्वीच भुसावळातूनही दोघांना अटक करण्यात आली आहे.

जळगाव शहरातील काळ्या बाजारात चढ्या दराने रेमडेसिवीर इंजेक्शनची विक्री होत असल्याची माहिती सहाय्यक पोलीस उपअधीक्षक कुमार चिंथा यांना गुरूवारी मिळाली. पोलीस अधीक्षक डॉ. प्रवीण मुंढे व अपर पोलीस अधीक्षक चंद्रकांत गवळी यांच्या मागदर्शनाखाली कुमार चिंथा यांनी दोन पथकांद्वारे शहरात छापेमारी केली.

इंजेक्शन विक्री करणा-यांवर कुमार चिंथा यांच्या पथकांची नजर होती. गुरूवारी सकाळी ११ वाजता एका पथकाने स्वातंत्र्य चौकात अचानक छापा टाकला. पोलिसांनी तेथून शेख समीर शेख सगीर (२३,रा.शिवाजीनगर) याला अटक केल्यानंतर संपूर्ण टोळीची माहिती समोर आली आणि त्यानंतर नवल लालचंद कुंभार (२५,रा.खंडेरावनगर), सुनील मधुकर अहिरे (३२,रा.हरिविठ्ठलनगर), झुल्‍फीकार अली निसार अली सैय्यद (२१,रा.इस्लामपूरा, धानोरा.ता.चोपडा), मुसेफ शेख कय्युम (२८,रा.मास्टर कॉलनी), डॉ.आले मोहम्मद खान, सैय्यद आसीफ इसा (२२,रा.सुप्रीम कॉलनी), अझीम शहा दिलावर शहा (२०,रा.सालार नगर), जुनेद शहा जाकीर शहा (२३,रा.सालारनगर) यांना सुध्दा अटक करण्‍यात आली. शुक्रवारी या नऊ जणांना न्यायालयात हजर केले असता, पाच दिवसांची पोलीस कोठडी सुनावण्‍यात आली आहे. या ९ जणांकडून पाच रेमडीसिवीर इंजेक्शन व दुचाकी, मोबाईल असा २ लाख ४६ हजार ९५० रूपयांचा मुद्देमाल जप्त करण्‍यात आला आहे.

दुसऱ्या छाप्यात तिघांना अटक

पोलिसांच्या दुसऱ्या पथकातील पोलीस निरिक्षक विलास शेंडे यांच्या पथकाने शुभम राजेंद्र चव्हाण (२२,रा.झूरखेडा ता. धरणगाव), मयूर उमेश विसावे (२७,श्रध्दा कॉलनी), आकाश अनिल जैन (रा.आंबेडकर मार्केटजवळ) यांना रेमडेसिविरचा काळा बाजार करताना सापळा रचून पकडले. या तिघांकडून दोन इंजेक्शन, दुचाकी व मोबाईल असा एकूण १ लाख ३७ हजार ९०० रूपयांचा मुद्देमाल जप्त करण्‍यात आला आहे. या संशयितांकडून २२, २६ ते ३३ हजार रूपयापर्यंत इंजेक्शनची विक्री केली जात होती.

नागरिकांनी तक्रार करावी- पोलिस अधीक्षक

रेमडेसिविर इंजेक्शनची कुणी चढ्या दरात विक्री करीत असेल तर जवळच्या पोलीस ठाण्‍या तक्रार करण्याचे आवाहन पोलीस अधीक्षक डॉ. प्रवीण मुंढे यांनी केले आहे. तसेच ७२१९०९१७७३ या क्रमांकार व्हॉट्सॲप करून तक्रार सुध्दा करता येईल, अशी माहिती सुध्दा त्यांनी दिली. यासह दोन दिवसांपूर्वी भुसावळ बाजारपेठ पोलीस ठाण्‍यात देखील दोन जणांना रेमडेसिवीरचा काळाबाजार केल्याप्रकरणी अटक करुन गुन्हा दाखल करण्‍यात आला आहे.

या कलमानुसार गुन्हा दाखल

भादवी कलम ४२०,१८८,३४ सह औषध नियंत्रण किंमत आदेश २०१३ चे परिशिष्ट २६ सह अत्यावश्यक वस्तू कायदा कलम ३ (७)(सी), ७ (१) (ए) (१), सह औषध व सौंदर्य प्रसाधन कायदा १९४० व नियम १९४५ चे कलम १८(सी) चे उल्लंघन दंडनिय २७ (बी) (२) व कलम १८ (२) चे उल्लंघन कलम २८ दंडनिय कलम २२ (१) (सीसीए) चे उल्लंघन दंडनिय कलम २२ (३) प्रमाणे गुन्हा दाखल करण्‍यात आला आहे. एकूण १२ जणांविरूध्द गुन्हा दाखल करण्‍यात आला आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here