याबाबत महादेव अडसूळ (वय ३६, रा. संभाजीनगर, धनकवडी) यांनी तक्रार दिली आहे. त्यानुसार चार जणांच्या विरोधात गुन्हा दाखल करण्यात आला आहे. धनकवडीतील शांतीनगर वसाहत येथे रविवारी रात्री ही घटना घडली.
पोलिसांनी दिलेल्या माहितीनुसार, सध्या करोनाच्या महामारीमध्ये शाळा कॉलेज बंद आहेत. लहान मुलांना ऑनलाइन शिक्षण दिले जाते. तक्रारदार यांच्या मुलांचे सहा महिन्यांपूर्वी ऑनलाइन शिक्षण सुरू होते. त्यावेळी त्यांच्या जवळच राहणाऱ्या ओळखीतील आरोपीने घरातील टीव्ही व साऊंड सिस्टमचा खूप मोठा आवाज केला. त्यामुळे तक्रारदार यांच्या मुलांना त्रास होत होता. याबाबत तक्रारदार यांनी जाब विचारल्यानंतर त्यांच्यात वादावादी झाली होती. त्याचा राग मनात धरून आरोपींनी रविवारी रात्री साडेआठच्या सुमारास अडसूळ यांच्याशी वाद घातला. त्यांच्यावर कोयत्याने डोक्यात व हातावर वार करून जीवे मारण्याचा प्रयत्न केला.
या हल्ल्यात ते गंभीर जखमी झाले. ही भांडणे सुरू झाल्यानंतर तक्रारदार यांची पत्नी, मावशी, मावसभाऊ यांना देखील आरोपींनी जबर मारहाण करून जखमी केले. या घटनेची माहिती मिळाल्यानंतर सहकारनगर पोलिसांनी घटनास्थळी धाव घेऊन पाहणी केली. या प्रकरणी सहायक निरीक्षक किरण मदने हे अधिक तपास करत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
