मनसुख हिरन हत्याकांड प्रकरणात एनआयएनं पोलीस अधिकारी सुनील माने यांना अटक केली होती. त्यानंतर एनआयएनं अंधेरी, कांदिवली आणि बोरीवली परिसरात छापेमारी केली होती. तसंच, मानेंचं जुने कार्यालय असलेल्या कांदिवली येथील क्राइम ब्रांच युनीट ११मध्येही एनआयएनं छापेमारी केली होती. या छापेमारीनंतर बोरीवलीतील साईनगर परिसरातून सुनील मानेंची लाल रंगाची कार एनआयएनं ताब्यात घेतली आहे. दोन गाड्यांचा नंबर प्लेट सारख्याचं असल्यानं ही कारवाई करण्यात आली आहे.
मनसुख हिरन यांना केला होता फोन
यांची हत्येपूर्वी तावडे नावाच्या व्यक्तीनं त्यांना फोन केला होता. मात्र, तो फोन सुनील माने यांनीच केला होता. तसंच, हिरण यांची हत्या झाली तेव्हा माने घटनास्थळी हजर होते. अशी माहिती एनआयएनं कोर्टाला दिली आहे.
दरम्यान, अँटिलिया स्फोटके प्रकरण आणि मनसुख हिरेन हत्याप्रकरणात एकापाठोपाठ एक तीन अधिकाऱ्यांना अटक झाल्याने मुंबई पोलिस दलास मोठा धक्का बसला आहे. राष्ट्रीय तपास यंत्रणेने (एनआयए) पोलिस निरीक्षक सुनील माने यांना अटक केल्यानंतर मुंबई पोलिस दलातून त्यांना निलंबित करण्यात आले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
