म. टा. प्रतिनिधी, पुणे

सिंध सोसायटीतील बंगल्यात घुसून एका ज्येष्ठ दाम्प्त्याला आणि त्यांच्या कुकला चाकूच्या धाकाने बाथरूमध्ये कोंडून १५ लाख ८० हजार रूपयांचा ऐवज चोरून नेल्याचा प्रकार रविवारी रात्री समोर आला आहे. एका तासने बाथरूमचा दरवाजा उघडून बाहेर आल्यानंतर त्यांनी मुलास फोन करून कळविल्यानंतर हा सर्व प्रकार समोर आला. याप्रकरणी चतुःश्रुंगी पोलिस ठाण्यात जबरी चोरीचा गुन्हा दाखल करण्यात आला आहे. (The old couple was locked in the bathroom of the house and looted Rs 15 lakh 80 thousand)

याबाबत एका ७३ वर्षीय महिलेने तक्रार दिली आहे. त्यानुसार तीन अनोळखी व्यक्तीच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, औंध येथील सिंध सोसयाटीतील बंगला क्रमांक ८१७ मध्ये तक्रारदार या पतीसोबत राहतात. त्यांच्याकडे एकजण केअर टेकर व कुक म्हणून काम करतो. तो त्यांच्याकडेच राहत असतो. रविवारी रात्री साडेआठच्या सुमारास तीन व्यक्ती घरात घुसल्या. त्यांनी तक्रारदार, त्यांचे पती आणि कुकला चाकूचा धाक दाखवून धमकाविले. त्यांना बाथरूमध्ये बंद केले. त्यानंतर घरातील कपाटात ठेवलेले रोख ७० हजार रूपये, सोन्याचे व हिऱ्याचे दागिने, डॉलर असा १५ लाख ८० हजार रूपयांचा ऐवज चोरून पळ काढला.

क्लिक करा आणि वाचा-
बाथरूममध्ये कोंडलेले तिघेही एक तासभर आतमध्ये होते. चोरटे गेल्याचा अंदाज आल्यानंतर त्यांनी दरवाजा तोडून बाहेर आले. त्यानंतर तक्रारदार यांनी त्यांच्या मुलास फोन करून कळविले. त्यानंतर सोसायटीतील नागरिकांनी बंगल्यात धाव घेतली. तसेच, पोलिसांना माहिती मिळाल्यानंतर त्यांनी तत्काळ घटनास्थळी जाऊन पाहणी केली. याप्रकरणी अधिक तपास केला जात आहे.

क्लिक करा आणि वाचा-
काही दिवसांपूर्वीच चतुःश्रुंगी पोलिस ठाण्याचे बीट मार्शल चोरट्यांना पाहून पळून गेले होते. त्यानंतर आता चोरटे थेट घरात घुसून लुटमार करू लागल्यामुळे खळबळ उडाली आहे. त्यामुळे पोलिसांच्या गस्तीवर देखील प्रश्न निर्माण झाला आहे.

क्लिक करा आणि वाचा-

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here