स्टोरिया फूड्स या कंपनीने एक जाहिरात प्रसिद्ध केली आहे. या जाहिरातीत दृश्यातून काँग्रेस नेत्या सोनिया गांधी आणि खासदार राहुल गांधी यांची खिल्ली उडवणारी टिप्पणी करण्यात आली आहे. त्याचा काँग्रेसने निषेध केला. काँग्रेसचे मुंबई अध्यक्ष यांच्या आदेशानंतर मुंबई काँग्रेसचे सरचिटणीस नितीन सावंत यांच्या नेतृत्वाखाली आणि युवक काँग्रेस कार्यकर्त्यांनी अंधेरी पूर्वेकडील जाहिरात कंपनीच्या कार्यालयात तोडफोड केली.
पोलीस आंदोलनस्थळी पोहोचले. त्यांनी आंदोलक कार्यकर्त्यांना ताब्यात घेतले. ‘काँग्रेस नेते राहुल गांधी आणि अध्यक्षा सोनिया गांधी यांच्याविषयी जाहिरातीत आक्षेपार्ह दाखवण्यात आले आहे. ते खपवून घेतले जाणार नाही. कंपनीला चांगलाच धडा शिकवला आहे. ही जाहिरात बंद झाली पाहिजे. स्टोरिया फूड्स कंपनीने माफी मागावी, अन्यथा मोठे आंदोलन करण्यात येईल, कंपनीचे कार्यालय बंद पाडू,’ असा इशारा भाई जगताप यांनी दिला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
