उपराजधानीत हजारो करोनाग्रस्त गर्भवतींनी दिला बाळांना जन्म

आनंद कस्तुरे । आई होणे हा जगाच्या पाठीवरील कोणत्याही स्त्रीसाठी सर्वांत हळवा क्षण असतो. त्यासाठी गरोदर माता नऊ महिने पोटच्या गोळ्याला आपल्या जीवापेक्षा अधिक जपत असते. मात्र गेल्या वर्षभरापासून या प्रसव कळांमध्ये करोनासारख्या अनपेक्षित संकटाने भर घातली आहे. याही काळात हजारावर गरोदर मातांनी विषाणूशी झुंज देत आपल्या जीवावर उदार होऊन गर्भातल्या जीवाला जन्म दिला आहे.

वाचा:

करोनाशी झुंज देत गेल्या वर्षभरात उपराजधानीतील मेडिकल, मेयो आणि डागा आणि मनपाच्या रुग्णालयांत एक दोन नव्हे तर ११०० हून अधिक विषाणू बाधित गर्भवती स्त्रियांनी बाळाला जन्म दिला. उपराजधानीत १२ मार्च २०२० ला पहिला करोनाबाधित रुग्ण आढळला होता. तेव्हापासून आजवर सर्वाधिक ५७५ करोनाग्रस्त मातांची बाळंतपणे करण्याचे आव्हान एकट्या मेडिकलच्या स्त्रीरोग प्रसूतीशास्त्र विभागाने उचलले आहे. तर मेयोच्या स्त्री रोग प्रसूतीशास्त्र विभागानेही या काळात प्रसव कळांमुळे अवघडलेल्या ४४८, डागाने ३८ तर मनपाने १६ करोनाबाधित गरोदर मातांची बाळंतपणे केली. तर, करोनाच्या गुंतागुतीमुळं ३५ गर्भवती महिलांना प्राण गमवावे लागले आहेत.

वाचा:

करोना विषाणूच्या विळख्यात अडकलेल्या गरोदर स्त्रियांची प्रसूती शल्यक्रिया करताना संपर्कात आल्याने या रुग्णालयांमधील अनेक डॉक्टर, नर्सेस करोनाबाधित झाले. मात्र त्यांनी आपल्या जिवाची पर्वा न करता प्रसव कळा सोसणाऱ्या गर्भवती स्त्रियांची बाळंतपणे केली. आजही ही रुग्ण सेवा सुरू आहे.

रुग्णालय	एकूण बाळंतपणे	करोना बाधित माता
मेयो	४५००	४४८
मेडिकल	१५०८०	५७५
डागा रुग्णालय	९०९०	३८

वाचा: