येरवडा परिसरातील एका नामांकित आयटी कंपनीतील तरुणीला टीम लीडरने सतत लैंगिक छळ केल्याचा प्रकार समोर आला आहे. या प्रकरणी तरुणीने मॅनेजमेंटकडे तक्रार केल्यानंतरही काहाही कारवाई केली नाही. त्यामुळे टीम लीडरवर व मॅनेजमेंटच्या पदाधिकाऱ्यांवर येरवडा पोलीस ठाण्यात गुन्हा दाखल करण्यात आला आहे.
वाचा:
याबाबत २२ वर्षीय तरुणीने तक्रार दिली आहे. त्यानुसार टीमलिडर संजय दास (रा. विमाननगर), मॅनेजमेंटमधील सहा जणांवर विनयभंगाचा गुन्हा दाखल करण्यात आला आहे. मार्च ते जुलै २०२० दरम्यान कंपनीत ही घटना घडली. पोलिसांनी दिलेल्या माहितीनुसार, पीडित तरुणी येरवडा परिसरातील एका नामांकित आयटी कंपनीत आयटी इंजिनिअर म्हणून काम करत होती. आरोपी संजय दास हा तिचा टीम लीडर होता. काम करत असताना दास सतत तरुणीशी अश्लिल बोलून शरीराला स्पर्श करत होता. तसेच, तरुणीकडे सारखे पाहून अश्लिल कमेंट करून तिचा विनयभंग केला. तसेच, तरुणी वॉशरूमला गेल्यानंतरही तिचा पाठलाग करत होता. याबाबत तरुणीने कंपनीच्या मॅनेजमेंटकडे तक्रार केली. पण, मॅनेजमेंटने तरुणीच्या विरोधातच कारवाई करून तिला कामावरून काढून टाकले. आरोपीच्या विरोधात काहीही कार्यवाही केली नाही.
वाचा:
या प्रकरणी तरुणीने कोंढवा पोलिसांकडे तक्रार दिली होती. त्यांनी कोंढव्यात झिरोने गुन्हा दाखल करून घेत कोंढवा पोलिसांकडे वर्ग केला आहे. त्यानुसार दास व कंपनी मॅनेजमेंटच्या विरोधात गुन्हा दाखल केला आहे. याप्रकरणी उपनिरीक्षक स्वाती ठाकूर अधिक तपास करत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
