'अतिशय निराशाजनक… अनपेक्षितही', सोनिया गांधी निवडणुकांच्या निकालावर बोलल्या

नवी दिल्लीः विधानसभा निवडणुकीतील ( ) पक्षाच्या कामगिरीवर काँग्रेसच्या हंगामी अध्यक्ष ( ) यांनी नाराजी व्यक्त केली आहे. निवडणुकीत पक्षाची कामगिरी ही अतिशय निराशाजनक आणि अनपेक्षित आहे, असं सोनिया गांधी म्हणाल्या. निवडणुकांमधील पराभवावर काँग्रेस कार्यकारिणीची लवकरच बैठक होईल आणि त्यात आढावा घेतला जाईल. आपण सर्वांनी मिळून हा निकाल स्वीकारला पाहिजे आणि या झटक्यातून नम्रतेने धडा घेतला पाहिजे, असं सोनिया गांधी म्हणाल्या.

काँग्रेसच्या संसदीय पक्षाची व्हिडिओ कॉन्फरन्सिंगद्वारे बैठक झाली. या बैठकीत सोनिया गांधी यांनी विधानसभा निवडणुकीत पक्षाच्या झालेल्या पराभवाचा मुद्दा मांडला. दुर्दैवाने सर्व राज्यांमध्ये पक्षाची कामगिरी ही अतिशय निराजनक राहिली आहे. हे अनपेक्षित आहे. काँग्रेस कार्यकारिणीची लवकरच बैठक होईल आणि निवडणुकीतील पराभवाची समीक्षा केली जाईल, असं सोनिया गांधींनी सांगितलं. यावेळी सोनिया गांधी यांनी ममता बॅनर्जी आणि एम. के. स्टॅलिन यांना विजयाबद्दल हार्दिक शुभेच्छा दिल्या.

तामिळनाडूमध्ये काँग्रेसने विधासनसभा निवडणुकीत डीएमकेसोबत आघाडी केली होती. निवडणुकीत काँग्रेस मतदारांना आकर्षित करण्यात यश आलं. पण पश्चिम बंगालमध्ये मात्र काँग्रेसचा पूर्णपणे सफाया झाला. ममता बॅनर्जी तिसऱ्यांदा सत्तेत आल्या. पश्चिम बंगालमध्ये काँग्रेस आणि डाव्या पक्षांची आघाडी होती.