वाचा:
करोनाच्या दुसऱ्या लाटेच्या सुरुवातीला अमरावतीसह विदर्भातील अनेक जिल्ह्यांना मोठा तडाखा बसला होता. या भागात अचानक करोना रुग्णसंख्येचा स्फोट झाला होता. कडक लॉकडाऊन लावल्यानंतर स्थिती नियंत्रणात आली होती. मधल्या काळात रुग्णवाढीचा वेग खाली आला होता. दरम्यान आता पुन्हा एकदा रुग्णसंख्या वेगाने वाढत असल्याने व मृत्यूंचे प्रमाणही वाढल्याने कठोर पावले उचलण्याचा निर्णय अकोल्याचे जिल्हाधिकारी यांनी घेतला आहे.
वाचा:
जिल्हाधिकारी पापळकर यांनी एक आदेश जारी करत संपूर्ण जिल्ह्यात ९ मे रोजी रात्री १२ वाजल्यापासून ते १५ मे रात्री १२ वाजेपर्यंत कडक लॉकडाऊन लावला आहे. करोना संसर्गाची साखळी तोडण्यासाठी हा आदेश काढण्यात आला आहे. यानुसार अत्यावश्यक सेवा वगळता जिल्हा कडकडीत बंद राहणार आहे.
आदेशात नेमकं काय म्हटलंय?
– भाजीपाला सकाळी ७ ते ११ यावेळेत मिळणार. भाजीपाला विक्रीस फेरीवाल्यांना मुभा असेल.
– पार्सल सेवा सकाळी ११ ते रात्री ८ वाजेपर्यंत सुरू राहणार.
– रेस्टॉरंट, हॉटेलला पार्सलची सुविधा सकाळी ११ ते रात्री ८ या वेळेत सुरू राहील.
– शिवभोजन थाळी पार्सल स्वरूपातच द्यावी लागणार आहे.
– बँका, पतसंस्था, वैद्यकीय सेवा, मेडिकल, वर्तमानपत्रे सुरू राहणार.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
