पुणे इथल्या जहांगीर रुग्णालयात त्यांच्यावर उपचार सुरू आहेत. प्रकृती खालावल्याने २५ एप्रिल रोजी त्यांना अतिदक्षता विभागात हलवण्यात आले होतं. तर काही दिवस त्यांना व्हेंटिलेटर सपोर्टवरही ठेवण्यात आलं होतं.
खरंतर, करोनाची लागण झाल्यामुले सातव यांना खूप त्रास झाला. यांच्या प्रकृतीबाबत चिंता व्यक्त केली जात होती. उलटसुलट चर्चा सुरू होती. या पार्श्वभूमीवर विश्वजीत कदम यांनी जहांगीर रुग्णालयाला भेट देत सातव यांच्या प्रकृतीबाबत डॉक्टरांशी चर्चा केली होती. त्यानंतर कदम यांनी प्रकृती स्थिर असून ते करोनाच्या जीवघेण्या संसर्गावर नक्की मात करतील अशा विश्वास व्यक्त केला होता.
राजीव सातव यांना १९ एप्रिलपासून बरं वाटत नव्हतं. कोविडची लक्षणे दिसत होती. त्यामुळे त्यांनी २१ एप्रिल रोजी करोना चाचणी करून घेतली. २२ एप्रिल रोजी या चाचणीचा अहवाल आला होता. त्यात सातव यांचा अहवाल पॉझिटिव्ह असल्याचे स्पष्ट झाले होतं. त्यानंतर दुसऱ्याच दिवशी २३ एप्रिल रोजी ते जहांगीर रुग्णालयात दाखल झाले. उपचारांनंतर त्यांची प्रकृती उत्तम होती मात्र, २५ एप्रिलला त्यांची प्रकृती खालावली. त्यामुळे तातडीने त्यांना अतिदक्षता विभागात हलवण्यात आले. तिथे कोविडवरील उपचार ते घेत असले तरी कालपासून प्रकृती अधिकच खालावल्याने त्यांना व्हेंटिलेटरवर ठेवण्यात आले होतं.
पण अखेर या जीवघेण्या संसर्गावर सातव यांनी यशस्वी मात केली आहे. यामुळे पक्षातही आनंदाचं वातावरण असून आता त्यांना लवकरच डिस्चार्ज देण्यात येईल अशी माहिती आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
