परिसरातील कदमवाक वस्ती येथे एका व्यक्तीने कामधंदा न मिळाल्यामुळे पत्नी व एक वर्षाच्या मुलाचा खून करून स्वत: गळफास घेऊन आत्महत्या केल्याची घटना समोर आली आहे. या प्रकरणी लोणी काळभोर पोलिस ठाण्यात खुनाचा गुन्हा दाखल करण्यात आला आहे. ( in Pune)
वाचा:
प्रज्ञा हनुमंत शिंदे (वय २८) आणि मुलगा शिवजेत (वय एक वर्षे, दोन महिने) या दोघांचा खून केल्यानंतर हनुमंत दर्याप्पा शिंदे (वय ३८, रा. कदमवाक वस्ती, लोणी काळभोर) याने आत्महत्या केली आहे. याबाबत दर्याप्पा अर्जुंन शिंदे (रा. बक्षिहिपरगा, ता. दक्षिण सोलापूर) यांनी तक्रार दिली आहे. पोलिसांनी दिलेल्या माहितीनुसार, हनुमंत हा पत्नी व मुलासह कदमवाक वस्ती येथे राहत होता. मिळेल ती कामे करून उपजिवीका भागवत होता. पण, गेल्या काही दिवसांपासून करोनामुळे निर्बंध लागू आहेत. या काळात त्याला काम मिळाले नाही. या बेरोजगारीला कंटाळून त्याने रविवारी सकाळी पत्नीचा गळा आवळून खून केला. त्यानंतर स्वतःच्या एका वर्षाच्या मुलाचा चाकूने गळा कापून खून केला. स्वतः बेडरूममधील पंख्याला ओढणीने गळफास घेऊन आत्महत्या केली. हा प्रकार उघडकीस आल्यानंतर लोणी काळभोर पोलिसांनी तत्काळ घटनास्थळी धाव घेऊन पाहणी केली. याप्रकणी सहायक आयुक्त कल्याण विधाते, वरिष्ठ निरीक्षक राजेंद्र मोकाळी यांनी पाहणी केली. या प्रकरणी अधिक तपास सुरू आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
