वाचा:
ऑक्सिजन ऑडिट करण्यासाठी नेमलेल्या पथकांमध्ये अभियांत्रिकी कॉलेजांमधील प्राध्यापकांचा समावेश आहे. ऑडिट कसे करायचे याचे ऑनलाइन प्रशिक्षण संबंधित प्राध्यापकांना देण्यात आले आहे. त्यामध्ये ऑक्सिजनचा वापर कसा करावा, आयसीयूमधील ऑक्सिजन बचत कशी करावी, ऑक्सिजन टँकपासून प्रत्येक वॉर्डात ऑक्सिजनचा पुरवठा करणाऱ्या उपकरणांमधील गळती होत असल्यास ती दुरुस्त कशी करून घ्यायची, याबाबतचे प्रशिक्षण देण्यात आले आहे.
वाचा:
याबाबत अतिरिक्त जिल्हाधिकारी म्हणाले, ‘ऑक्सिजन ऑडिट करण्यासाठी पथके ही रुग्णालयांमध्ये आल्यावर रुग्णालय व्यवस्थापनाकडून त्यांना पीपीई कीट उपलब्ध करून द्यायची आहेत. पथकांतील प्राध्यापकांकडून रुग्णालयांतील डॉक्टर, नर्स आणि अन्य कर्मचाऱ्यांना ऑक्सिजन वापराबाबतचे प्रशिक्षण देणार आहे. ऑक्सिजन वापर किंवा पुरवठ्यामध्ये त्रुटी आढळल्यास संबंधित रुग्णालयांनी ताबडतोब दुरुस्ती करण्याच्या सूचना देण्यात आल्या आहेत.
वाचा:
६२३ खासगी रुग्णालयांत रेमडेसिवीर पोहचले
पुणे जिल्हा प्रशासनाकडून बाधित रुग्णांवर उपचारासाठी सोमवारी ७७४० रेमडेसिवीर इंजेक्शनचे ६२३ खासगी रुग्णालयांना वितरण करण्यात आले. रविवारी अवघ्या ४०० इंजेक्शनचा पुरवठा झाल्याने अडचण निर्माण झाली होती. जिल्हा प्रशासनाकडे रविवारी ४०० इंजेक्शनचा पुरवठा झाल्याने अधिक पुरवठ्याची मागणी करण्यात आली होती. त्यानुसार ७७४० इंजेक्शन उपलब्ध झाल्याने तूर्त अडचण दूर झाली आहे. रविवारी मिळालेल्या इंजेक्शनचे वितरण हे सरकारी रुग्णालये आणि जम्बो सेंटरसाठी करण्यात आल्याचे जिल्हा प्रशासनाकडून सांगण्यात आले.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
