मुंबई : सर्वोच्च न्यायालयाने मराठा आरक्षणासंदर्भात () दिलेल्या निर्णयाच्या अनुषंगाने आता केंद्र सरकारने यात लक्ष घालून लवकरात लवकर पाऊले उचलावीत अशी राष्ट्रपतींना विनंती करणारे पत्र मुख्यमंत्री (CM ) यांनी राज्यपाल भगतसिंह कोश्यारी यांना दिले आहे. यावेळी आरक्षण प्रश्नावर बोलताना उद्धव ठाकरे यांनी भाजप नेते आणि माजी मुख्यमंत्री (BJP Devendra Fadanvis) यांच्यावर निशाणा साधला आहे.

‘आधी केलेला कायदा फूलप्रूफ नव्हता. तो जर फूलप्रूफ असता तर या करणासाठी पुन्हा राज्यपालांची भेट घेण्याची वेळ आमच्यावर आली नसती,’ असं म्हणत मुख्यमंत्र्यांनी देवेंद्र फडणवीस यांना टोला लगावला आहे.

‘मराठा आरक्षणाचा कायदा विधिमंडळात सर्व पक्षांनी एकमुखाने संमत केला आहे, जनतेच्या भावनांचा आदर ठेवून हा निर्णय झाला, तो न्यायालयात टिकला नसला तरी सरकार म्हणून आम्ही सर्व या समाजाच्या भावनांशी सहमत आहोत. न्यायालयाने याबाबतीत केंद्राला अधिकार आहेत असं सांगितले आहे, त्या अनुषंगाने आज आम्ही राज्यपाल महोदय याना भेटलो. राज्यपालांनी देखील आमचे म्हणणे व्यवस्थित ऐकून घेतले असून ते केंद्राला आमच्या भावना कळवतील,’ अशी माहिती उद्धव ठाकरे यांनी दिली आहे.

मराठा आरक्षणावर मुख्यमंत्र्यांची पत्रकार परिषद; जाणून घ्या ठळक मुद्दे :
– लवकरच आम्ही पंतप्रधानांची वेळ घेऊन त्यांना या प्रश्नी भेटणार आहोत

– सर्वोच्च न्यायालयाच्या निकालानंतर आम्ही सर्वांनी समाजाच्या भावना लक्षात घेता केंद्राला याबाबत विनंती करायचे ठरविले आणि त्यानुसार आज राज्यपालांना भेटून पहिले पाऊल टाकले आहे

– मराठा समाजाने नेहमीच समजूतदारपणा दाखवला आहे. आरक्षण प्रश्नी सरकार सोबत आहे याची समाजाला कल्पना आहे, ते सरकारच्या विरोधात नाहीत, त्यामुळे मी पूर्वी देखील मराठा समाजाला धन्यवाद दिले आहेत आणि आता आपल्या माध्यमातून परत धन्यवाद देतो

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here