भोपाळः गेल्या वर्षी करोना रुग्णांची संख्या वाढत असताना देशाला व्हेंटिलेटर्सची आठवण झाली. विदेशातील संस्थांकडून भारतात आधी उच्च दर्जाचे व्हेंटिलेटर्स आयात केले जात होते. पण आता पीएम केअर्स फंडद्वारे () २००० कोटी रुपयांचे व्हेंटिलेटर्स ( ) खरेदी करण्यात येणार असल्याचं केंद्राकडून गेल्या वर्षी सांगण्यात आलं होतं. मेड इन इंडियाद्वारे ही व्हेंटिलेटर्स ( ) घेतली जातील, असं बोललं गेलं. पण या माध्यमातून मध्य प्रदेश आणि छत्तीसगडमध्ये देण्यात आलेली अनेक व्हेंटिलेटर्स धुळ खात पडून आहेत. हे व्हेंटिलेटर्स इतक्या निकृष्ट दर्जाचे आहेत की ते त्याने कामच होऊ शकत नाही, असं अनेक हॉस्पिटल्सच्य डॉक्टराने लिहिलं आहे.

मध्य प्रदेशातील भोपाळमध्ये हमिदिया हे सर्वात मोठे सरकारी हॉस्पिटल्स आहे. इथे एका करोना पॉझिटिव्ह रुग्णाला हॉस्पिटलच्या वॉर्ड क्रमांक ३ मध्ये दाखल करण्यात आलं. या रुग्णाला व्हेंटिलेटरवर ठेवण्यात आलं. पण ३ मेरोजी व्हेंटिलेटर अचानक बंद पडलं. यामुळे रुग्णाचा मृत्यू झाला. रुग्णाच्या नातेवाईकांनी हा आरोप केला. हॉस्पिटलने मात्र हा आरोप फेटाळून लावला. पण या घटनेपूर्वी पीएम केअर्स फंडद्वारे आलेल्या निकृष्ट दर्जाच्या व्हेंटिलेटर्सबाबत डॉक्टरांनी हॉस्पिटल प्रशासनाला पत्र लिहिलं होतं. या व्हेंटिलेटर्समध्ये बिघाड आहे. ऑक्सिजन फ्लो होत नाही आणि प्रेशरही होत आहे. अचानक मशिन बंद होतं. यामुळे रुग्णाचा जीव वाचवणं आवघड आहे, असं डॉक्टरांनी पत्रात म्हटलं. एनडीटीव्हीने हे वृत्त दिलं आहे.

पीएम केअर्स फंडद्वारे आलेली व्हेंटिलेटर्स हे खराब असल्याची माहिती आपल्याला नाही. पण पंतप्रधान मोदी हे देशातील आरोग्य व्यवस्था सुधारण्यासाठी सतत प्रयत्न करत असल्याने आम्ही त्यांचे आभारी आहोत, असं आरोग्य मंत्री विश्वास सारंग यांनी सांगितलं. अशीच काहिशी परिस्थिती मध्य प्रदेशातील प्रमुख हॉस्पिटल्समध्ये आहे.

छत्तीसगडमधील बालोद जिल्हा हॉस्पिटलमध्ये ६ व्हेंटिलेटर्स आहेत. पण फक्त दोनच इन्स्टॉल करण्यात आले आहेत. केंद्राकडून पीएम केअर्स फंडाद्वारे २३० व्हेंटिलेटर्स मिळाले होते. यापैकी १६० व्हेंटिलेटर्स डीएल कंपनी आणि ७० व्हेंटिलेटर अॅक्वा कंपनीचे होते. केंद्र सरकारकडून व्हेंटिलेटर्सचा थेट पुरवठा झाला होता. ते खरेदी करण्यासाठी राज्याला कुठलाही निधी देण्यात आला नाही. पाठवलेले अनेक व्हेंटिलेटर्स काम करत नाहीए, असा दावा छत्तीसगड सरकारने केला आहे. केंद्रीय आरोग्य मंत्रालयाच्या माहितीनुसार २ लाख रुग्ण आज व्हेंटिलेटवर आणि १० लाख रुग्ण ऑक्सिजनवर आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here