मुंबई: राज्यात कालच्या तुलनेत आज रुग्णसंख्येत थोडी वाढ झाली आहे. गेल्या २४ तासांत राज्यात ४० हजार ९५६ नवीन रुग्णांची भर पडली असून त्याचवेळी ७१ हजार ९६६ रुग्ण करोनावर मात करून घरी परतले आहेत. दरम्यान, आज ७९३ बाधित रुग्णांचा मृत्यू झाला असून मृत्यूंचे वाढते प्रमाण चिंतेत भर घालणारे ठरले आहे. ( )

वाचा:

राज्यात एप्रिल महिन्यात करोनाच्या दुसऱ्या लाटेचा सर्वाधिक उद्रेक पाहायला मिळाला. दैनंदिन रुग्णसंख्या रोज नवे उच्चांक गाठत होती. ही रुग्णसंख्या तब्बल ७० हजारांच्या उंबरठ्यावर पोहचली होती. त्यात आता वेगाने घट होताना दिसत आहे. सोमवारी राज्यात ३७ हजार ३२६ इतक्या नवीन रुग्णांची नोंद झाली होती. गेल्या काही आठवड्यांतील हा सर्वात निचांक ठरला होता. तर आज त्यात थोडी वाढ पाहायला मिळाली आहे. आज राज्यात ४० हजार ९५६ नवीन रुग्ण आढळले आहेत. त्याचवेळी करोनावर मात करणाऱ्या रुग्णांचा आजचा आकडा मोठा राहिला आहे. आज तब्बल ७१ हजार ९६६ रुग्ण करोनामुक्त झाले आहेत. त्यामुळे रुग्ण बरे होण्याचे प्रमाण वाढले आहे. राज्यात आतापर्यंत ४५ लाख ४१ हजार ३९१ रुग्ण करोनावर मात करण्यात यशस्वी ठरले असून रुग्ण बरे होण्याचे प्रमाण सध्या ८७.६७ टक्के इतके झाले आहे.

वाचा:

राज्यात आज ७९३ करोना बाधित रुग्णांच्या मृत्यूंची नोंद झाली असून आतापर्यंत या आजाराने ७७ हजार १९१ रुग्णांचा बळी घेतला आहे. सध्या राज्यातील मृत्यूदर १.४९ टक्के एवढा आहे. आजपर्यंत तपासण्यात आलेल्या २ कोटी ९८ लाख ४८ हजार ७९१ प्रयोगशाळा नमुन्यांपैकी ५१ लाख ७९ हजार ९२९ ( १७.३५ टक्के ) नमुने पॉझिटिव्ह आले आहेत. सध्या राज्यात ३५ लाख ९१ हजार ७८३ व्यक्ती होम क्वारंटाइनमध्ये आहेत तर २९ हजार ९५५ व्यक्ती संस्थात्मक क्वारंटाइनमध्ये आहेत.

राज्यातील अॅक्टिव्ह रुग्णांची संख्या घटली

राज्यातील अॅक्टिव्ह अर्थात उपचार घेत असलेल्या रुग्णांची संख्या सध्या ५ लाख ५८ हजार ९९६ इतकी खाली आली आहे. त्यात , पुणे, या शहरांतील आकडे वेगाने खाली येत आहेत. जिल्ह्यात सध्या ९५ हजार ७३१ अॅक्टिव्ह रुग्ण आहेत तर जिल्ह्यात ५३ हजार २० रुग्ण आहेत. मुंबईतील रुग्णसंख्या ४० हजार १६२ इतकी खाली आली आहे तर ठाणे जिल्ह्यातील रुग्णसंख्या ३१ हजार ४४६ इतकी आहे. नाशिक जिल्ह्यात सध्या २६ हजार ८०६ रुग्णांवर उपचार सुरू आहेत.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here