सांगलीत बंदी असतानाही लॉकडाऊन नियमांचे उल्लंघन करीत मध्यरात्रीपासून पहाटेपर्यंत अवैधरित्या भरवलेल्या होलसेल भाजी आणि विक्री बाजारावर सांगली महापालिका आणि पोलिसांनी संयुक्त कारवाई केली. गुरुवारी पहाटे करण्यात आलेल्या या कारवाईत मोठ्या प्रमाणात आणि आंब्याचा साठा जप्त करण्यात आला आहे. मनपा आयुक्त नितीन कापडणीस यांच्या सूचनेनुसार मनपा उपायुक्त राहुल रोकडे आणि पोलीस निरिक्षक अजय सिंधकर यांच्या पथकाने संयुक्त कारवाई केली. ( in action taken on and )
कोल्हापूर रोड, रामनगर, फळ मार्केट परिसरात अवैधरीत्या होलसेल व्यापाऱ्यांनी आंबा आणि भाजीपाला मालाची विक्री सुरू केली होती. यामुळे पहाटेच्या सुमारास किरकोळ विक्रते आणि नागरिकांची गर्दी होऊन करोना संसर्ग पसरण्याची शक्यता होती. याबाबत मार्केट कमिटी, तसेच महापालिका प्रशासनाकडून वारंवार संपूर्ण लॉकडाऊन असल्याने होलसेल बाजार भरवू नये किंवा अवैधरित्या विक्रीसाठी कोणीही सार्वजनिक ठिकाणी व्यापारासाठी एकत्र येऊ नये अशा सूचना देण्यात आल्या होत्या. मात्र तरीही शासनाच्या नियमांचे उल्लंघन करीत अवैधरित्या शहरात आडमार्गावर भाजी तसेच आंब्याचा होलसेल बाजार भरवला जात होता.
वारंवार सूचना देऊनही व्यापारी उल्लंघन करीत असल्याचे निदर्शनास आल्याने गुरुवारी पहाटेच्या सुमारास महापालिका आयुक्त नितीन कापडणीस यांच्या सूचनेनुसार उपायुक्त राहुल रोकडे आणि शहर पोलीस निरीक्षक अजय सिंधकर यांनी आपल्या पथकांसह पहाटेच्या सुमारास कोल्हापूर रोड, रामनगर, फळ मार्केट, आकाशवाणी परिसरात अनेक ठिकाणी पाहणी केली. यावेळी अवैधरीत्या होलसेल भाजीपाला विक्री सुरू असल्याचे तसेच आंब्याची विक्री सुरू असल्याची बाब निदर्शनास आली. त्यामुळे संयुक्त पथकाने होलसेल बाजारावर कारवाई करत व्यापाऱ्यांचा संपूर्ण माल जप्त केला.
क्लिक करा आणि वाचा-
क्लिक करा आणि वाचा-
कोल्हापूर रोडवरील एका ठिकाणी सुरू असणाऱ्या आंब्याच्या होलसेल व्यापारावर सुद्धा पथकाने कारवाई करीत होलसेल बाजारातील आंब्याचा साठा जप्त केला. बाहेरगावाहून विशेष करून कोकणातून विनापरवाना विक्रीसाठी आलेली आंब्याची वाहनेही ताब्यात घेऊन त्यांच्यावर कारवाई करण्यात आली. पहाटेच्या सुमारास झालेल्या या कारवाईत सहा होलसेल भाजी आणि आंबा व्यापाऱ्यांवर गुन्हे दाखल करण्यात आले आहेत. या कारवाईत वरिष्ठ स्वच्छता निरीक्षक अविनाश पाटणकर, स्वच्छता निरीक्षक राजू गोंधळे, प्रणिल माने, गणेश माळी, वैभव कुदळे, किशोर कांबळे यांच्यासह महापालिकेचे स्थानिक मुकादम, शहर पोलिसांचे कर्मचारी तसेच कचरा उठाव करणारे स्वच्छता कर्मचारी यांनी सहभाग घेतला होता.
क्लिक करा आणि वाचा-
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
