सातारा : करोनाच्या जीवघेण्या संसर्गामुळे राज्यात मोठ्या प्रमाणात हाहाकार सुरू आहे. अशात मोठ्या प्रमाणात राज्यात मृतदर वाढत असल्यामुळे अंत्यसंस्कारासाठी जागाच उरली नाही आहे. रुग्णालयातही करोना मृतदेहांचा खच पडला आहे. या सगळ्यात माणुसकीला काळीमा फासणारी घटना साताऱ्यामध्ये समोर आली आहे.

इथे चक्क करोनाच्या मृतदेहांचा नातेवाईकांना चेहरा दाखवण्यासाठी लाच घेत असल्याचं सुरू झालं आहे. कोविड केंद्रामध्ये असे प्रकार सुरू आहे. मृतांच्या टाळूवरचं लोणी खाण्याचं काम रुग्णालयातील कर्मचारी करत असल्यामुळे नागरिकांमध्येही संताप व्यक्त करण्यात येत आहे.

खरंतर, करोनाचा संसर्ग मोठ्या प्रमाणात पसरत असल्यामुळे त्यांना संपूर्ण पिशवीने बांधलेले असते. पण यामध्येही आपल्या माणसाचा अखेर निरोप घेण्यासाठी नातेवाईकही आसुसलेले असतात. याचाच गैरफायदा घेत रुग्णालयातील कर्मचारी चेहरा दाखवण्यासाठी लाच घेत आहेत.

या घटनेमुळे संपूर्ण परिसरात खळबळ उडाली असून नागिरकांमध्येही संतापाचं वातावरण आहे. अशात यामध्ये तातडीने कारवाई करण्यात यावी आणि अशा प्रकारे सामान्यांच्या भावनांशी खेळ थांबवावा अशी मागणी करण्यात आली आहे. आधीच करोनाच्या संकटानात सर्वसामान्यांची जागोजागी लूट होत आहे. त्यातही असे प्रकार माणुसकीला काळीमा फासणारे आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here