कसा होतो या औषधाचा वापर?
तज्ज्ञांच्या म्हणण्यानुसार, जेव्हा एखादा विषाणू शरीरात प्रवेश करतो तेव्हा तो मानवी पेशींची फसवणूक करत आपल्यासारख्याच आणखी विषाणूंची संख्या वाढवतो. यासाठी तो पेशींकडून मोठ्या प्रमाणात प्रथिने चोरतो. ”नं तयार केलेलं हे औषध एक ‘स्यूडो’ ग्लूकोज आहे, जे विषाणूंची संख्यावाढ रोखण्यास मदत करतं.
भारत सरकारकडून देण्यात आलेल्या माहितीनुसार २ डीजी हे औषध पावडर स्वरुपात उपलब्ध आहे. पाण्यात मिसळून हे औषध घेतलं जाऊ शकतं. विषाणू संक्रमित पेशींमध्ये जाऊन ते विषाणूंची संख्या रोखण्यास शरीराला उपयोगी ठरतं.
आपात्कालीन वापराची मंजुरी
‘ग्लुकोज’ सारखंच हे औषध आहे. अतिशय सोप्या पद्धतीनं या औषधाचं उत्पादन केलं जाऊ शकतं. त्यामुळे देशभरात ते सहजच उपलब्ध होऊ शकतं, अशी माहिती डीआरडीओनं दिलीय.
‘इस्टिट्युट ऑफ न्युक्लिअर मेडिसिन अँड अलायन्स सायन्सेस’ (INMAS) तसंच सेंटर फॉर सेल्युलर अँड मॉलिक्युलर बायोलॉजी (CCMB) यांनी एकत्रित येत हे औषध तयार केलंय. ”कडून (DGCI) करोनावर उपचारासाठी या औषधाला आपात्कालीन वापराची मंजुरी दिली होती.
मोठ्या प्रमाणात उत्पादन सुरू
या औषधाच्या उत्पादनाची जबाबदारी हैदराबाद स्थित डॉ. रेड्डी लॅबला देण्यात आली होती. याशिवाय आणखीही काही केंद्रांवर २ डीजीचं उत्पादन मोठ्या प्रमाणात सुरू करण्यात आलंय.
करोना रुग्णांचा त्रास कमी करण्यात आणि त्यांचा बरं होण्याचा कालावधी कमी करण्यात हे औषध उपयोगी ठरल्याचं क्लिनिकल ट्रायलमध्ये दिसून आलं. तसंच या औषधामुळे रुग्णांची ऑक्सिजनवर असलेली निर्भरताही कमी होण्यास मदत होते. देशाला भासत असलेल्या ऑक्सिजन तुटवड्यादरम्यान हे औषध अनेक रुग्णांचे प्राण वाचवण्यासाठी महत्त्वाचं ठरू शकतं.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
