राज्यसभेचे खासदार आणि नेते राजीव सातव यांच्या निधनाने पक्षाला मोठा धक्का बसला आहे. देश आणि पक्षासाठी ते झटून काम करत होते. त्यांचा स साधेपणा पक्षाला कायम स्मरणात राहील. सातव यांचे कुटुंबीय आणि मित्रांबद्दल संवेदना व्यक्त करतो, असं काँग्रेस पक्षाने आपल्या ट्वीटर हँडलवरून ट्वीट केलं आहे.
काँग्रेसचे प्रवक्ते रणदीप सुरजेवाला यांनी ट्वीट करत सातव यांना अतिशय भावुक श्रद्धांजली वाहिली आहे. मी निशब्द झालो आहे. आज एक असा सहकारी गमवला आहे ज्याने सर्वाजनिक जीवनात पहिलं पाऊल युवक काँग्रेसच्या माध्यमातून माझ्यासोबतच टाकलं होतं. आम्ही आजपर्यंत सोबतच होतो. राजीव सातव यांचा सधेपणा, हसतमुख चेहरा, जमिनीशी जुळलेले, नेतृत्व आणि पक्षाशी निष्ठा असलेले आणि त्यांची मैत्री कायम आठवणीत राहील. अलविदा मेरे दोस्त! जहाँ रहो, चमकते रहो !!!, असं भावुक ट्वीट रणदीप सुरजेवाला यांनी केलं आहे.
महाराष्ट्रातील काँग्रेससह इतर अनेक नेत्यांनी सातव यांच्या निधनावर शोक व्यक्त केला आहे. सुशीलकमार शिंदे, पृथ्वीराज चव्हाण, अशोक चव्हाण यांच्यासह राष्ट्रवादी काँग्रेसच्या खासदार सुप्रीया सुळे, आरोग्य मंत्री राजेश टोपे आणि शिवसेनेचे नेते संजय राऊत यांनीही दुःख व्यक्त केलं आहे. महाराष्ट्रातील एक तरुण नेता हरपल्याने मोठं नुकसान झाल्याचं नेत्यांनी म्हटलं आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
