सौदी अरेबिया सरकारने म्हटले की, हवाई, जमीन आणि समुद्री सीमा खुल्या करण्यात आल्या आहेत. ज्या नागरिकांचे पूर्ण लसीकरण झाले आहे, अशा प्रवाशांना विलगीकरणाची सक्ती असणार नाही. सरकारी आणि व्यवसायासाठी प्रवास करणाऱ्या प्रवाशांना प्राधान्य देण्यात येणार आहे. त्याशिवाय १८ वर्षाखालील युवकही प्रवास करू शकणार आहेत. मात्र, त्यांच्याकडे कोविड उपचारासाठी वैद्यकीय विमा असावा अशी अट असणार आहे.
वाचा:
वाचा:
दरम्यान, संयुक्त अरब अमिरातीमधील करोनाची रुग्णसंख्या आटोक्यात आल्यानंतर सोमवारपासून दुबईमध्ये हॉटेल पूर्ण क्षमतेने सुरू झाली. स्थानिक रोजगाराला आणि पर्यटनाला चालना देण्यासाठी हा निर्णय घेण्यात आला. प्रशासनातर्फे लाइव्ह कॉन्सर्ट आणि क्रीडा स्पर्धांनाही परवानगी देण्यात आली आहे. संयुक्त अरब अमिरातीमध्ये मोठ्या प्रमाणावर करोना चाचण्या होत असून, लसीकरणाचा वेगही उत्तम आहे.
वाचा:
दुबईच्या साथरोग आणि आपत्ती निवारण विभागाने दिलेल्या माहितीनुसार, सुरक्षित वावराचे सर्व नियम पाळले जाणार असून, मास्क वापरण्याची सक्तीही कायम असणार आहे. रेस्टॉरंट आणि मनोरंजन केंद्रे, मॉल पूर्ण क्षमतेने उघडण्यास परवानगी देण्यात आली आहे. सार्वजनिक ठिकाणी करोनाचे सर्व नियम पाळावे लागणार आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
