मिळालेल्या माहितीनुसार, ही धक्कादायक घटना देगलूर तालुक्यातील शेवाळा इथं घडली आहे. रमा गौतम कांबळे असं मृत मुलीचं नाव आहे. रमा आज सकाळी शौचास गेली होती. यावेळी वाळू वाहतूक करणाऱ्या भरधाव ट्रक्टरने रमाला चिरडले. त्यामुळे तिचा जागीच मृत्यू झाला.
या घटनेमुळे गावात तणाव निर्माण झाला असून संतप्त नागरिकांनी मृतदेह ट्रॅक्टर मालकाची घरी नेऊन ठेवला. गावात वाढता तणाव लक्षात घेता पोलीस निरीक्षक भगवान धबडगे यांनी जादा कुमक बोलावून बंदोबस्त वाढवला आहे.
दरम्यान, ट्रॅक्टर चालक आणि मालकाविरोधात खुनाचा गुन्हा दाखल करण्यात आला असून त्याला तातडीने अटक करण्याची मागणी मुलीच्या नातेवाईकांनी केली आहे. तर पोलिसांनी या प्रकरणाचा तपास सुरू केला असून नोतेवाई आणि प्रत्यक्षदर्शींची चौकशी केली जाणार असल्याची माहिती देण्यात आली आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
